立即捐款

世貿會議首日主流傳媒報道批評集

明天報紙頭條

我預見明天報紙頭條:「跳海圖越警界線 暴徒火攻世貿會場」
=.=

-- 嵐雲 , in-media

我頭先都睇過啲新聞片

電視台將示威者同警察衝撞嘅情況放頭段,之前嘅遊行放喺後,似乎有點兒那個,不過呢個都係香港傳媒嘅慣技.......

睇返衝撞嗰段,似乎唔係警察克制,係啲韓國示威者克制喎,吓吓都係就住啲差大哥嚟係咁依撞,但係啲警察就好似好騰雞,似乎佢哋真係未見識過真正嘅暴動,我記得香港最近嗰次暴動都好似好耐吓,佢哋騰雞都唔出奇,何況演習同實戰係兩回事.......

-- 古華多羅上尉 , 網.政.廿一

明報喎! 報什麼?!

世貿揭幕警察示威者混戰[20:50]
http://www.mpinews.com/content.cfm?newsid=200512132050gb212050c

相關新聞

- 要求放人的示威者已散去
- 特首讚警方處理示威
- 警方呼籲示威者要反省
- 李少光呼籲示威者要守法
- 曾俊華﹕非和平手段感失望

有什麼混戰?!

整個下午的和平遊行去了哪兒?!是示威者身體推撞暴行,還是警方出椒暴力?!?是否要當讀者不會想「燒壇=出椒合理」的邏輯有沒問題,會盲目信從??

還有,為什麼相關的都是警方的片面之詞?!?!

-- 小狼

超多警察

我在示威者意圖向警方防線推進的那條窄小的鴻興道內, 我在人堆外圍, 所以看不清楚衝突中央, 只見有示威者以身體撞向警員的盾牌, 可是完全郁動不到他。

看見一個個中了胡椒噴霧的示威者被扶出來, 同伴/糾察給他們以水洗眼,很是觸目驚心。

其實當時示威者的力量與人多勢眾、排成幾行的防暴警察相比甚為懸殊, 談不上'世貿揭幕警察示威者混戰'(明報 http://hk.news.yahoo.com/051213/12/1jj4c.html )
我離開時走過馬師道斜坡, 看見下面有一大群人, 以為有示威者聲援, 但原來全都是警察!

有動作的示威立刻被標籤為'暴力'和'過激'、'不理性'等, 但當'港式'咪咀叫口號向前行已不能改變現狀時, 人們就會另謀方法。誰說會展裡面穿西裝的人不是坐著以暴政施行暴力嗎?

p.s.TVB剛在的世貿特輯不知所謂.

-- Dead Cat , in-media

有預定立場的報紙, 你能期待佢報什麼?

超! 呢份野不嬲都係咁啦, 都唔係宜家先變, 早幾年已經變左啦~
同東方差不多嘛, 只不過冇咁激進之嘛~

-- 平凡的地夫 , 網.政.廿一

關係個份偽知識份子報紙

我真的好失望
扮晒公正
實質是報界的民建聯

-- 1848 , 網.政.廿一

文字真的很恐怖

返到公司,睇到老細剛剛寫了篇綜合稿,同大家分享一下:

「在昨日(星期二)會議召開首日的大遊行,最終演變成衝突。大約五千名示威者在灣仔的示威區對開,放火焚燒祭台,超過五百名配備防暴裝備警察,在場戒備,雙方一度發生衝突,防暴警察一度向示威者噴胡椒噴霧。」

●老細好自然地用了「演變」一詞,但參與遊行的朋友都知道,所謂暴力「衝突」根本不是演變出來的。用這個字是引導聽眾,將整個遊行說成是推向衝突的前奏。

比較接近現實的是之前另一則報道的講法:「民間監察世貿聯盟發言人鄧燕娥說,明白南韓示威者希望表達對世貿的憤怒,她指南韓的示威者在指定示威區,而不是在鬧市採取激烈行動,已經是顧慮到香港的情況,沒有對一般市民構成影響。」但這篇稿冇乜人讀。

●「大約五千名示威者」,為咗慳字,只有幾十人參與的燒祭台行動變成五千名示威者的集體行動﹝雖然我都想有份參與﹞,最終都係想暗示所有示威者都係「暴民」。

短短一段稿都可以出現咁兩個大問題,你話整個傳媒機器咁大,點拆。

我覺得很可惜,昨日旁觀的市民明明係覺得韓國示威隊伍好impressive,好齊整,仲同我一齊話傳媒老點。但聽日報紙的頭條又會係:韓民露暴力本色!好戲陸續有來!

有乜辦法唔悲。

-- 朱凱迪 , in-media

誰是抺黑示威者的主腦?

跟大家晚飯後,再回到灣仔示威區,看見韓農坐在警方前面(而傳媒:尤指TVB,他們形容為"對峙"),他們要求警方釋放較早前游泳被捉的五個韓農。

約下午八時,TVB作即時轉播,當時作現場報導的女記者是沒有帶上頭盔的。但當到了九時的現場轉播,該名女記者便立刻拿起頭盔,並帶到頭上,與現場和平的韓農成了強烈的對比。

在旁邊的香港請願者對此也看不過眼,便立刻要求該名記者把頭盔除下,因她的行為等同抺黑韓農請願者。該名女記者沒有理會,而在旁觀的聲援者亦開始起哄,要求除下頭盔之聲日溢強烈。在旁同台的男記者見狀,便走到女記者身旁,並向示威者解釋這是公司對他們的要求,並非記者的過別意願。聽到這裡,不知大家有什麼看法?

-- sophia so , in-media

無線...我要看新聞, 不要看電影

剛剛看晚間新聞....看見幾個鏡頭, 背景有些鼓聲, 之後配合節奏以電影手法遂一影住警察唔知係恐懼定準備打人的眼神....無線新聞的剪接, 你以為自己好醒呀...我要睇新聞, 我想睇電影我會去戲院買票睇, 一班淨係識帶頭盔抹黑的人, 一個字---"x"

-- TARO , 網.政.廿一

無綫最英!

我看了有線、亞視和無綫新聞,無綫剪得最似動作片和緊張剌激,全程還時常打出工程,記者的大名,我心想,得啦,知道是你們的大製作啦。

-- 晶瑩 , in-media

無線...

無綫完全無報道示威者訴求

-- Cloudless Sunny , 網.政.廿一

無線...

講真,無線之前都報左唔少

-- i , 網.政.廿一

今日聽新聞,原來南韓農民反對的是...

世貿令南韓農產品市場「開放」,使他們要面對「競爭」!
我無言了...

-- 明仔·Gerwalk , 網.政.廿一 (小狼按:傳媒的簡化和扭曲, 可以去到這個地步)

創造新聞

這幾天真的體驗到香港傳媒是如何'創造'新聞的. 今天,當一群記者'喪影'銅鑼灣一間落了閘(開了閘門)關了燈的食店內'避難中'的員工, 為什麼沒有人拍站在店門前看示威,口中唸唸有詞'抗議世貿'的眼鏡店員工呢?

-- Dead Cat , in-media

失控? 拘留? 暴力?

無線話警察將五名示威者拘留..
well...佢地點解唔講埋d示威者拘留左去邊呢?
當然啦, 冇理由話警察將示威者拘留0係"消防局"架嘛
一講"消防局", 就知無線老作啦

唔知無線定亞視話示威者失控..
well..0係班示威者衝緊既時候, 後面成百幾個示威者排列整齊地坐0係後面
示威區則有過千個韓國示威者集會
真係失控, d警察連盾牌都扣唔穩, 仲可以擋到 ? 你地d記者可以影到野?
我見到既係, 當佢地一班人行去防暴線前
佢地入面既南韓糾察手牽手咁擋住d記者, 盡量把記者拉開, 防止波及無辜
整個場面, 係有控制同節制地衝

佢地有支長竹, 上面掛著支旗
佢地將支竹打落d警察到
警察就無事, 反而支旗就被佢地收左
有人問, 點解唔去"了"番支旗番黎.
well...真係同你抗爭既話咪會囉..

最後最搞笑既係
d南韓示威者等佢地五個同伴番黎時
佢地睇唔過眼d防暴警察d質素
覺得佢地擺盾牌擺得太鬆
主動走上前拉佢地既盾牌埋d.

在場人士掩住半邊咀笑~

-- 艾薇 , 網.政.廿一

主流傳媒阻人「做野」?

小弟在南韓農民與防暴警察旁邊採訪。據小弟觀察,眾香港傳媒(因為他們都是說正宗廣東話)為了爭先上前採訪拍攝,竟然起初夾在南韓農民與警察中間,令初頭衝警察防線時首當其中招,被警察推撞,又些甚至中胡椒噴霧,弄得淚流滿面,眼紅紅,鼻濕濕。

採訪還採訪,主流傳媒都不應該阻礙南韓農民,走到農民與警察之間,南韓農民怎樣「做野」? 你們插入中間,唔被胡椒噴霧射中就有鬼! 試下走到美軍和伊拉克中間,唔被子彈射中,你要擋雞還神!

-- 李卓倫 , in-media

本地示威者要求無線電視台記者除頭盔

數名本地示威者因為不滿無線記者在進行晚間新聞直播時, 戴頭盔做直播, 認為是抹黑韓國示威者, 要求在場無線記者除去頭盔.

數名本地示威者呼喊「抹黑」和「可恥」來不滿無線電視台過份謹慎的行為, 在場有韓國農民聲援.

-- 大腦電波 , 網.政.廿一

Re

點解上鏡前唔保護自己,上鏡時又要呢

-- icaro , 網.政.廿一

Re

中 point!
其他無線採訪工作人員都冇戴

-- 多霉體 , 網.政.廿一

Re

噢..
如果咁就真係唔太o岩了
不過, 會唔會係為左視覺效果呢?

-- 阿旺 , 網.政.廿一

Re

想要咩視覺效果呢,韓國的農民已多次被抹黑了

如果佢一路都戴係冇問題,問題係佢臨上鏡先戴,
唔通上鏡時d示威者會覺得有人睇到會威d,所以會傷害個報導員?
唔通冇得上鏡時d示威者會覺得唔會有人睇到,所以就唔傷害個報導員,因2冇得威而乖乖地坐下來?

-- icaro , 網.政.廿一

Re

聽講佢地老細規定要戴,班記者偷雞唔戴,上鏡就戴番廢事俾老細見到。其實係未一定要係抹黑示威者呢?又唔諗下可能係抹黑警察唔定喎。

-- i , 網.政.廿一

令我想起了黃應士

佢個之去伊拉克用了一個好勁既 mask..

-- 阿旺 , 網.政.廿一

警民衝突DV側記

非要剪完條片不能安睡,只因為看了 TVB 咁 Bias 的新聞角度。

-- 王岸然 , 網.政.廿一

警民衝突DV側記

tvb都算bias..
唔係嘛?

-- 阿旺 , 網.政.廿一

警民衝突DV側記

其高明之處...
正是令你不覺他們 bias
在現場近距離
我完全不覺有暴力,亦不覺有危險
但主流新聞給你的是完全不同的感覺
大多數人就這樣被洗腦

-- 王岸然 , 網.政.廿一

警民衝突DV側記

同意,我睇外國新聞通訊社d相,仲暴力

-- lay's , 網.政.廿一

警民衝突DV側記

TVB今日個18:30報導都唔知做乜, d用字同平日唔同晒, 又只係講有幾多差佬受傷, 冇講幾多示威者受傷.

總之, 就算平日覺得tvb冇乜野, 今日睇都覺佢好似同d示威者有仇咁, 狂砌.

-- Poey , 網.政.廿一

警民衝突DV側記

角度問題好顯一定有,佢同民間記者明顯係兩種攝影角度,但用字變晒咁我又唔係咁覺得,起碼冇用「交戰」呢類報紙用既字眼,佢有講差佬受傷我都留意唔到,證明都唔係好在意咁講。

-- lay's , 網.政.廿一

對媒體報導的一點意見

TVB 的確只將暴力的一面顯示出來...
但總比間斷直播o既亞視好...

其他報紙都只集中抗爭形式 而不去探討抗爭內容...
甚至無視 世貿的會議議程及來港的各國高層...
起碼也要跟那些部長弄幾個專訪嘛...
真受不了這樣的傳媒...

江主席教訓香港的傳媒too simple 已經過時了...
現在看來, 是extraordinarily superficial...

-- Shiina , 網.政.廿一

Re

有怎樣的讀者/觀眾就有怎樣的傳媒

另一方面,能不能怪示威者的「花臣」太多,
令到抗爭的主題被喧賓奪主呢?

-- 明仔 , 網.政.廿一

Re

> 有怎樣的讀者/觀眾就有怎樣的傳媒

這個認同但有保留, 中央政府用各種方法
令香港傳媒歸邊成政府喉舌, 也是原因之一

> 另一方面,能不能怪示威者的「花臣」太多,
> 令到抗爭的主題被喧賓奪主呢?

喧賓奪主應該就沒有,
最多可以話的, 是燒壇那PART有機會失分......

-- 家貓 , 網.政.廿一

Re

我覺得奇裝異服(主要係歐洲示威者)同
超誇道具都會distract個訴求(所以我有時
都唔同意長毛、阿牛搞得太多花臣道具)。

-- 明仔 , 網.政.廿一

Re

奇裝異服係東南亞的民族服裝
呢d係佢地既文化特式

因為多花臣, 所以媒體就唔報佢地既訴求?
好採萍果今日都有講佢地既抗爭內容姐

我覺得我地香港人花臣太少
遊行只懂嗌口號和舉頭
只懂得以這個方式表達自己訴求
不過經過幾次七一, 香港人係進步緊既
起碼而家識得打下鼓, 又有人跳下舞
甚至有人著住中式結婚禮服去遊行

-- 艾薇 , 網.政.廿一

Re

扮牛牛、扮雞都係歐洲民族服裝?

至於會否distract,都係o個句,見仁見智啦!

不過,不能否認o既一點係香港人o既普遍性格係八卦o既,所以對花邊、八卦新聞興趣遠大於正主題,而香港報刊傳媒眾多,競爭劇烈,部份傳媒以市場主導報道內容亦非不正常。當然,亦不能否認有部份傳媒是自甘墮落,自動歸邊,自我審查的。

-- 明仔 , 網.政.廿一