呢輪八方諗爆腦，唔知八啲咩俾大家聽，馬草泥的事，大媒體舖天蓋地咁報，眼都冤，唔想加多把口。點知一覺醒來，成個 mailbox 都係「強烈聲討 MC JIN 扭曲 hiphop 價值，自行當奴」的消息。
其實八方唔係好識音樂，但睇好來活的片，都知到 Rap 嘅強處係用嚟鬧爆制度不公的，係美國黑人嘅 Rap 通常都攞嚟唱衰警察，抨擊階級矛盾同種族主義。所以，Rap 嘅歌詞會好草根，同白人中產階級的語言對著幹，粗口爛舌，拒絕淨化。
不過，Rap 嚟到香港，係大眾媒介就得番音樂上的韻律的形式，而無晒啲內容，草根嘅歌詞完全河蟹晒，變成廣告同政治宣傳。
Ozaki Takami 分析得好好：
其實MC Jin從來就不是一個有強烈政治意識或思想的人，他在美國之所以成名，是作爲華人而擁有不錯的翻唱和模仿Rap“態度”的技術，而非出於其創作能力甚至抗爭精神。說MC Jin“扭曲Hip Hop價值”，就好像說參加X-Factor或《星光大道》一類比賽的發明星夢者“扭曲音樂價值”，有點不倫不類。
這裏真正值得聲討的，是當權者拿青年文化開玩笑，為自己做宣傳的拙劣表現。
另，Rap和Hip Hop在今天最常見的“價值”，是流氓無產者仇視女性和同性戀者、歌頌黑道暴力和聲色犬馬的自吹自擂。那種表達對帝國主義種族歧視的憤怒以至批判資本主義的原始説唱精神，只在極少數藝術家的作品中才表現出來。再進一步說，流行音樂作爲資本主義市場的產物，本身頂多能對促進政治覺悟起一定的作用。
真正能夠形成對資本主義體制全面而系統的批判，兼而明確指出社會主義展望的，是建基於政治經濟學的革命綱領；而這，則只能夠是激進知識分子同工人運動打成一片後才可成爲現實的力量的東西。
是故，我們對個別音樂人以至一般的流行文化，既不需要過分貶損、也不用給與太高的期望。
佢仲推薦咗 Immortal Technique 一首講全球化下世界分工造成的戰亂和階級分化的 Rap: 「The Poverty of Philosophy」：
其實 Rap 經常會被用嚟做政治宣傳，而 MC JIN 都唔係第一次幫政府做代言，Leung Dont 就搵番佢當年幫 Obama 拉票的 Video 「Open Letter to Obama」俾大家貨比貨：
老實講，呢首 Rap 用 Leung Dont 嘅說話講，都係「抽水作」，不過政治抽水得嚟，個 video 都動感啲。但煲呔個 Video 真係獻世，一開始喺度整色整水玩聖誕裝飾，坐喺個電腦前面成條疆屍咁。一個唔郁嘅老野，望住一個跳紮紮嘅青年，真係好能家長同 patronizing，「青年代表」成個「起錨玩偶」咁，「很黃很暴力」。大家自己睇下：
呢個「起錨玩偶」令 Leung Oo 諗起尹光叔「一個黐膠線的少年」裡，嗰位「要向上、要發達」，日日黐膠花，多得佢先有「社會進步」的膠廠少年：
網民 wongingkyun 好快就搞咗個正牌 Hiphop style 嘅版本上 youtube，大家唔好理咁多「屌」咗先啦：
其實煲呔同 MC Jin 今次咁樣自我獻身同獻世，都有啲好處，平時好少有機會傾音樂，更少機會分享反叛的音樂，依家喺 Facebook 的組群，可以一次過睇到啲海外同本地嘅好 Rap。Bosco Poon 就分享咗本地歌隊 LMF 嘅「楂緊中指」，直係好正，MC Jin 行埋一邊啦：
附件係 Jason Guan 推薦嘅「D.O.G」，歌詞一流，呢啲先叫 Rap：
Hook X1
煲呔當年承諾有一人一票選特首
幾年後想反口我諗你末被人鬧夠 未鬧夠 我未鬧夠Verse 1
特首搞起錨 搞到要捱鬧
市民終於谷爆 將啲大話 逐一督爆
你身邊啲 狗太膠 我諗要略為調教
等我幫你調完我再教
小完我先再鬧
小嘅第一炮 保證死得人多 夠熱鬧
馬米上校 馬上校準 正義嘅高射炮
對準你班車大炮 我一炮將你射爆
屍骨都無得打撈 睇你仲點起錨
懶好心 賣曬廣告 咪 原地踏步
向前踏步 抑或係 原地踏步
呢鋪都多得 特首幫啊爺舖橋撘路
阿爺讚好 所以普選就遲遲未到
係民主走到未路定真係時辰末到
市民有冤無路訴 投訴 無門路
示威被視為暴徒
你就係騎劫民主嘅強盜Hook X1
煲呔當年承諾有一人一票選特首
幾年後想反口我諗你末被人鬧夠 未鬧夠 我未鬧夠Verse 2
真理係真理 歪理係歪理
做多兩出馬騮戲
歪理都唔會變真理
落區做宣傳有個馬草泥嚟會你
80後嘅我都有句草泥馬送俾你
問心有幾多市民會支持你地
小把戲留番俾你哋自己呃自己
你有你哋繼續懶有士氣
隨便你哋繼續懶理是非
政 府 該 死
特首應該改名叫特狗
特別似小醜 鐘意當街出醜
做得阿爺隻狗 幫阿爺睇好個門口
阿爺都未開口 吠定先 稱職嘅門口狗
物似主人形 主人係狗
d靚比主人仲狗
想擦鞋嘅擦鞋狗 嗌口號點知溜口
又再一次獻醜
阿特首 你係點養狗 養埋d咁嘅崩牙狗Hook X1
煲呔當年承諾有一人一票選特首
幾年後想反口我諗你末被人鬧夠 未鬧夠 我未鬧夠Verse 3
呢隻歌D.O.G.
Death of Government
我沒資格教訓人
I still F the government
無視市民聲音嘅政府無人恨
愛之深 責之切 所以我會先咁着緊
香港是我家 我點會想搞分化
但政治家嘅大話 我已經聽到怕怕
連美國都係一人一票選出奧巴馬
點解國際城市嘅民主都仲末萌芽
700人所選嘅特首
700萬人呢刻去乞求
連最基本嘅權利都俾人剋扣
我仲點信香港仲有民主自由
香港所有支持普選慨市民
民主係屬於我地香港嘅每一個人
用你哋嘅聲音 支持我 同我一齊唱出
Death Of Government
Let's break the silenceHook X1
煲呔當年承諾有一人一票選特首
幾年後想反口我諗你末被人鬧夠 未鬧夠 我未鬧夠