2010年高鐵撥款通過，個陣政府話用哂數據模型估到一日平均有99,000人次搭高鐵，最終成功昆左好多香港人上釣，依家真實流量一日得番4萬，淪為大白象。
近日我地翻查番差唔多十年前對高鐵最初個流量估算，想睇下究竟邊個要為估算嚴重失準而負責下台。重讀番啲議會文件，驚見個年立法會議員甘乃威，完全估中左政府個條數估大六成，重問番政府如果得番一日4萬，咁香港經濟咪大獲? 個陣政府重話好有信心絕對唔會發生。
讀到此，不禁令人發出神奇既讚嘆，點解甘乃威可以估得咁精準，簡直係神預言！
佢既估算方法其實好簡單，只不過係將政府之前既大型基建計劃慣常高估既比例（即高估60%），套入去高鐵到計，就得出一日平均4萬人次既流量。呢個方法，真係重「科學」過政府搵「獨立」顧問做既規劃估算，以後此方法應該大大力推廣！
個陣甘乃威曾經要求政府交個預測，如果高鐵人流得番每日4萬人經濟負擔有幾大，唔駛問當年梗係俾政府灑走左啦！但係今日政府估都估唔到，差唔多十年前你以為灑走左既預測，今日就唯有業隨身。