...
鄰座有兩位打扮如電影《 AV 》那幾位飾演時下本地大學生的少年。言談間，其中一位透露自己是一名如剛播出的 TVB「 星期日檔案 」所講述的「 隱蔽青年 」。 他稱自己無上學、無工作，終日只躲在家「 自閉 」上網、打機和睡覺。
最初不為意，但當他們開始對友人 「 呻到樹葉都落埋 」時，我和戰友都停下來細聽他在 「 呻 」甚麼。因他所「 呻 」的，不盡是無的放矢，只剩滿腔憤世嫉俗那種陳腔濫調。把其中一些對話原文照錄 :
「 社會階級流動性薄弱左好多。全球化下，稍低技術既職位已流失晒去發展中國家， 已發展既地區如香港，對工作要求愈來愈高 ... 再唔似 7、80 年代，低下階層可依靠個人既能力，爬升上社會比較高階層 ... 而家唔止地盤清潔呢類體力勞工，programmer 都流失去印度、admin 後勤都陸續搬番大陸 ... 而家，大部分空缺都得 sales，否則就要讀書讀得好叻，至有科研、產品開發呢類工作，表面呢輪多左工揀，實則工作種類越來越少，無乜選擇 。 」
「 而家，特別係讀書既學習環境，有錢仔和窮鬼既學習環境差異愈來愈大，起碼響電腦既掌握方面，有錢人已有好大競爭優勢，鐘意一日 24 小時 online 都得。窮人 ? 乖乖留響學校霸電腦囉。 」
「 咪以為做老細過癮， 面對財團壟斷，政府偏幫地產佬，好多淨係捱貴租，業務日日被陰乾。有物業個班，響而家市好重唔套現咩 ? 點解咁多酒樓執笠，趁市旺套現好 d 價錢囉。 」
「 唔止香港係咁。日本等先進城市一早已有呢種現象。99 年既日劇 ， 三年B 組金八先生，到之後既 - 悠長假期，都有講呢個問題 。」
這時候，不知何故，一時衝動，向鄰座搭了一句訕 : 「 哥哥仔，若派你上月球，你會帶邊三樣野上去 ? 」
這青年不明所以 : 「 呢位兄台，你做乜咁問 ? 」
當時我其實也不知為何把這句衝口而出 :「 你答左我先啦。 」
他即時答 :「 咪氧氣筒、對講機同國旗囉，你問黎做乜 ? 」
我終於記起這問題的出處 : 「 哥哥仔，呢條係昨日報紙提及，文華酒店請人既其中一條面試題目黎。睇你答得有紋有路，搵份野做啦。 」