看來,仍然有很多人想去元朗消費,據知何韻詩也會入去搞流動簽名會。人多熱鬧開心啲,但問題是交通。
入元朗最方便自然是西鐵,我剛查過維基,早上繁忙時段,西鐵每小時最多可以運載約五萬人(單向計),能否達到這個數,要睇西鐵會否加密班次。換言之,如果有十萬人要入去,就算加密了班次,也要兩小時才能把所有想去元朗消費睇樓嘅人消化,如果人數再多,假設廿萬,便是四小時,如此類推。
去元朗的交通工具選擇較少,巴士可能因為封路停駛,而且班次不密;兜上水那邊入也可,但要轉小巴或巴士,載客量都不多。自己開車更加唔知泊邊,因為其實元朗市中心那段路都唔係好闊,而元朗本身已好多居民,很多人有車,我聽住元朗的朋友講,平時元朗都已經人多車多塞到爆,星期六日塞車係基本——大家千奇唔好以為元朗仲係十幾年前那個人煙稀少的「鄉下」。
分時段入是一個途徑,但分時段入便容易落單,或被人挑釁(未必係黑社會可能係啲藍絲大叔),最好都係等齊人先出閘購物。另外一個可行途徑,或者係搭車入屯門才轉西鐵,這邊線應該會冇咁多人,可以在朗屏出閘。
但另一個問題,就係點走?如果人數超出預期,走就是一個極大問題。因為元朗不同港島,有好多途徑可以選擇離開,但元朗的交通工具選擇很少。
可能需要熟悉元朗的朋友,指點大家一下,謝謝。

