立即捐款

身外密

一副過來人的口吻:
「所有都是身外物而己。」。
說得瀟洒,
聽得唏噓。
身外物忽然如此這般被拋棄,
會不會心有不甘,
穿紅衣紅鞋上吊?
身外物,
佛教稱「我所」,
我的所屬物,
「我」也屬眾緣和合,
我所當然更不值一晒。
都是同等卑微。
喂!
正所謂討你開心幾拾年,
無功都有勞呀?
星爺話齊齋,
俾吓面啦,
話哂都係食神呀?
完全沒有人情味,
一句「身外物」,
就中央釋法,
永不翻身!
乜野料呀?
直情講到「身外物」阻住地球轉咁,
你舊時又話人仔車仔屋仔係你奮鬥目標?
而家一時住舍衛國祇樹給孤獨園,
就即刻咁孤獨,
唔係,
係陰獨,
立刻拋妻棄子,
連跟你幾十年嘅架生,
都唔留一分半分情面,
一句「身外物」,
就恩斷義絕!
喂,
你學佛學到呢個地步,
夠哂班囉可?
夠哂層次囉可?
夠哂解脫囉可?
如果你真係咁諗,
你何止高不可攀呀,
直情病入膏肓添,
高喎,
889啦,
高人!