政經

反佔中觀察有感

廣告
反佔中觀察有感

廣告

觀察有感:

1. 今日人數其實又唔係真係想像中咁多,我自己覺得遊行去動員呢件事係露左可動員人數既底牌,同簽名反佔中人數太大落差,可以一笑置之,唔需要太為今日人數而放喺心度。

2. 最可怕既都唔係上街既人,一來佢地被動員既跡象太明顯,二來都係畀團體去展示實力,似社團佢地自己各有所圖而已。

3. 最可怕既係一班因為佔中同反佔中爭議而唔表態既人,而呢個亦係反佔中既最大成果,因為佔中一直以來都係爭取緊呢班人支持,而近來就證明呢個策略唔太成功 (就算我當150萬人反佔中冇水份,再加埋佔中公投既80萬人,都只係230萬,未達到登記選民既300萬人)。

4. 而家好需要思考既就係,除左佔中,我地仲有咩手段達至真正對政權有影響既群眾運動;同埋佔中以後,又如何?

5. 至於點樣同群眾宣傳,地區同鄰舍點去做組織之類,一直以來都有好多討論同講法,唔需要再喺呢個時刻再感嘆對家點好點好,或者點有錢法,再咁樣推落去對家有咩優勢贏係冇意思,亦冇必要......至少,對家係唔會因為你咁講突然cut晒D資源佢,你都唔會講完會多左資源同錢,除非你投共。

6. 支持同反對____本是平常事,如果要靠遊行先知原來有人反佔中,或以為全世界都係反佔中,先係有問題......至於公民抗命,不嬲都係由少數人支持而開始架啦,而社會運動一直都會滾存更多既支持者,呢個先大殺傷力。

廣告