立即捐款

Momay

我係熱愛足球嘅油漆佬。 網誌

體育

又一印尼華人足球員離開職業足球

又一印尼華人足球員離開職業足球
廣告

廣告

印尼有1,000萬華人,印尼華人喺印尼各界非常活躍,但今日之印尼足球界就冇乜華人球員,Irvin Museng(麥成)係其中一位華人職業足球員。

麥成並非麥姓,佢爺爺叫Thauw Cin Sek,係印尼足球名宿。麥成1992年於印尼南蘇拉威西省首府望加錫(Makassar)一個華人家庭出生,司職前鋒。

2005年代表過印尼參加過達能盃(Danone Nations Cup),個人射入10球,令呢位印尼華人年青球員成名,2007年代表印尼U17參加東盟17歲以下少年足球賽,之後加盟荷蘭球會阿積士青年隊,曾經被寄予厚望,但於青年聯賽上場機會唔多,1個賽季後,麥成返回印尼加盟望加錫U21足球隊,當年佢20歲。2010年轉投棉蘭之星(Medan Chief)成年隊,開始有出場機會,但1個賽季後棉蘭之星解散,2011年在轉投次級聯賽之普洛杜塔(Pro Duta FC),2年後,2013在轉投超級聯賽佩斯巴(Persiba),但不受重用,只有1次出場紀錄。

麥成本屬前鋒,身材不高,但技術好。不過,印尼足球員要喺印尼聯賽企定,一係你嘅入球要好多,否則外籍球員會佔據前鋒位置。所以,有一定速度之麥成嘗試改打翼,右側或左側亦可。

2014年,因為個人原因,麥成暫時冇踢職業聯賽,今年只參加PSMTI龍五人制足球聯賽杯,參加嘅以印尼華人為主,業餘性質比賽。

麥成係現今印尼足壇少有之100%華人血統球員,好多所謂華人球員,並非100%華人血統。巴布亞人喺印尼人口冇300萬,卻有自己職業足球隊,印尼國家隊陣中總有4-5名巴布亞球員,但印尼華人有1,000萬,為什麼華人職業足球員冇10個呢?

印尼球壇少數土生華人職業足球員阿古斯:「父母起初要求我不要在印尼當職業球員,其一以免『招來橫禍』,其二父母認為當球員是『玩』,不是職業。」

可參考概談印尼華人足球簡史

廣告