曾蔭權同阿爺講數

特首曾蔭權與國家旅遊局局長邵琦偉進行工作午宴，曾蔭權表示，旅遊業是香港重要經濟基礎，金融海嘯對全球旅遊業很大衝擊，尤其是明年衝擊會更大；由於金融海嘯影響，外國到港旅客減少，而兩岸三通後台灣訪港旅客亦銳減，希望透過擴大內地旅客自由行補救香港旅遊業這負面影響。要求增加內地自由行，直接向國家旅遊局要求而不是向溫家寶總理提出，變化值得關注研究。

曾蔭權係飲香港水放香港血嘅香港仔，如用香港方言演繹要求增加自由行，可發現曾蔭權也有令人敬佩之處；曾蔭權：「邵局長，而家台灣受媾，俾中央用三通攪掂咗，攪到啲台灣客都唔埋我哋香港嘅碼頭，金融海嘯已經夠傷，又斷埋我哋台灣條水，呢鑊嘢點計先？」邵琦偉局長：「三通這個問題，中央和台灣已經談了很久，現在實行可以說是太遲啦，這麼長的時間你們香港沒有做好準備嗎？」曾蔭權立即伸出雙手緊握拳頭，大聲地說：「我左手用咗嚟同中央準備2012政改方案，右手用咗嚟應付金融海嘯，邊度仲有第三隻手做準備應付三通？」邵琦偉默然不語，曾蔭權：「嗱，唔好講咁多喇，唔該你放多啲自由行嚟香港補番條數。」邵琦偉將曾蔭權由頭望到落腳，然後表示：「研究研究。」曾蔭權：「速速磅唔好兩頭望呀，中央唔開水喉，香港點樣繁榮穩定呀？」

曾蔭權下次出席立法會答問會，議員應該合唱一首「勇敢的中國人」答謝特首。

香港獨立媒體 - Comments for "認命曾蔭權"

曾蔭權同阿爺講數