香港獨立媒體 - Comments for "笑罵電子傳媒﹝超級加長版﹞"

已刪

重睇本文，珠珠已經做了法巴之花

但這個世界什麼都缺，就是不缺靚女，珠珠走了，琴琴就做正印了。

前幾日和一班十年前在大學玩社區考察的朋友聚舊，其中一人原來已經成了傳媒的中層。當時教我們用dv機和剪片的導師，也是電視台的資深導播。佢老人家都說，依家的記者，個個都走去做公關。睇得信報魯姜個心戰室專欄多，記者繼續只是作為人生的一小步。

而聽說，亞視兩名資深的記者，一個又去當公關去，另一人則索性嫁人收山。真係黯然。

謝！

朱凱廸，謝謝你的分享！

新聞的制作流程框限了市民的想像，豈不是以技術性審查和軟性政治宣傳？
我們對他方的人事故然認識不足、膚淺，但連與本土生活息息相關的事宜，對自己身份築構的想像也如此貧乏，被動得好像漠不關心、無暇關心......諸事都要人解話，再反謅別人的解話，腦筋缺乏運動、氧料，就委縮硬化，非人矣。

祝好！

好似應該我地比番錢你喎

東南西北兄,

有勞翻譯了, 其實應該倒番轉頭, 我地比錢你. 翻譯的工作比起自己寫還難... :)

Going Global

Without permission, this post has just gone global in English at:
http://www.zonaeuropa.com/20051115_2.htm

The world deserves to read good and interesting work.

P.S. Oh, a token royalty was paid thru Paypal.

唔想做老油條，腰骨要挺直

我覺得可獲取一手資料空間越黎越窄係好大問題，我地個曾特首咁識做人，下下唔係PR答就係記招繕稿，真係碎料多個渣，抓痕都無；依家新聞日日唔係禽流感特敏福，就係民主步伐什麼幫忙幫倒忙，新聞真係好搞笑，無晒料到。

一個港聞新仔的回應

剛剛做了港聞一年多，都感到好灰。有時唔好話等人餵新聞，即使你真的收到風有料爆。老細都唔會睬你，怕得罪人，覺得碎料，之餘此類。
而傳媒的偏見，都唔使講都知係幾咁嚇人，親身經歷，親耳聽到編輯哥哥大大聲話性工作者係北姑，副總編輯話，佢哋點解唔歧視得。編輯姐姐最近看到同性戀十六歲以上性交的判決勝訴，話好變態。之如此類的偏見，令人看不到聽不到其他的聲音。
加上，眾所周知，做港聞有時一日走幾單，即使唔親身跑，回到公司炒稿都做到pk，大家都無時間，所以受訪者最好能言善道，一矢中的，講中point，大家扑到咪，就攞袋走人。最經典係見過某收費電視的記者，經常遲到早走，別人未講完，或講緊其他野都立即打斷，然後話自己趕時間，可唔可以問幾條問題，問完即走。係咁樣的工作環境和態度下，哪會聽到並非一定能言善道的一般市民的心聲和故事呢。

Another Emily Lau

Is there any more 'Emily Lau'? Is that a problem of the society, or also a problem of individuals?

笑過罵過之後，

我還是想尋找一條出路，就算不為社會發展着想，也為了令新聞工作變成一個可享受的終身職業──姑且稱之為「可持續事業」。

不忍心見到，三十幾歲就變成老油條，營營役役地抄新聞，只係當打份工。為何一定這樣？很不想但也要用外國的例子，做記者的同時也在做學問，採訪經驗和學問智慧同時累積，無可替代。

以往如果睇電視，每天只會看一兩次新聞，現在是二十四小時全天候上火車進地鐵都被所謂新聞包圍着，無可逃脫。PR消費新聞、警察社會的信息從小就洗腦，當中的影響和規訓作用很需要大力揭破。

但我對台灣的印象更差，連中央社﹝台灣第一大通訊社﹞也不斷大做娛樂新聞，花絮新聞，完全崩潰了。

回應

講真，香港電視新聞同地鐵那些新聞電子板已經冇咩分別，只不過有畫面你睇。我覺得電子板仲優勝添，言簡意賅。

咁佢地都唔報，我地冇片點報唧！

'冇片點報唧?'......?!?!?!
Classic!

補遺

而家各報各電台各電視台似乎重保留少少「罐頭」o既傳統，即係備用專題報導，做一o的時效性同爆炸力唔太強o既新聞，放o係星期六、日或長假期播或出街。如果你間公司又有隊專題組做呢o的o野，可能就會影響你做成稿o既機會。不過，電台少有呢類節目，所以舊陣o係船底打工o個陣，人人都有機會做下。

但係對非專題組記者來講，呢o的一定係邊皮o野，日日兩三單assignment都夠死，未必有精力儲定罐頭。

另外，想提一樣o野：唔知新聞系學生同準新聞從業員在學時同關社類同學o既距離，會唔會影響到日後做新聞o個陣o既報導取向？