立即捐款

黃俊邦

網站編輯部成員 網誌

媒體

DBC 第二晚集會:聲帶證中聯辦介入 主持樓南光絕食

DBC 第二晚集會:聲帶證中聯辦介入  主持樓南光絕食
廣告

廣告

今晚是 DBC 的一班主持成立的「爭取DBC復播運動行動委員會」連續第二晚在政總外集會,人數較前一晚為多。今日大會公開了兩段董事會的聲帶,今年二月,黃楚標及鄭經翰已就股權問題作討論,黃明言不會出售,表示「我地做呢,就唔會好似大班咁鬧政府。」五月的時候,黃楚標則反對大班聘請商台主持李慧玲,表示李「好惹火」,「我地(黃楚標及李國章)同彭(中聯辦主任彭清華),中聯辦好反感」。林旭華在播放聲帶之後,表示此聲帶亦曾播放予蘇錦樑局長聆聽,但翌日大班便收禁制令,不准大班在電台開咪。此外,DBC 主持樓南光宣佈無限期絕食,直至商務及經濟局局長蘇錦樑現身及對話,民間電台台長曾健成亦加入行動。明日將繼續集會,亦是「義播七日」的最後一天。

準備至少在政總絕食七日的樓南光表示,希望透過自己的行動令市民關注 DBC 滅聲事件。推動政府確實處理。樓南光指絕食決定已醞釀一段時間,直至剛才聽到黃楚標與大班等股東的對話聲帶,便下定決心絕食。樓南光指連管理層都不怕法律風險,自己也決定即時絕食,希望明天有更多人到場支持。

民間電台台長曾健成指,爭取開放大波已經七年,他認為運動不能停止,明晚之後民間電台會接手公民廣場,以 FM 廣播,繼續爭取開放大氣電波。

非社運常客 為 DBC 獻第一次

獨媒記者今晚在現場訪問了兩位參加者。羅老師之前並沒有參加過社運,亦沒有做過社運義工。今次為了 DBC,她做了兩次義工,一次是不久前在屯門派發宣傳 DBC 義播的單張,第二次是昨天幫手做糾察。她表示自願參加義工行動是因為不值政府如此滅聲,想盡力幫助 DBC。

在 DBC 開台前,羅老師已經有聽電台廣播,常聽的節目有商台的《光明頂》,《一台好戲》和《杏林茶》。近期常聽的DBC節目包括《風波裡的茶杯》,《十級自由風》,《開心快活人》,《為食麻甩Show》,《女王頭老襯底》,也有聽過《正係好音樂》。

羅老師留意到,義工之中各式人等也有,由十幾歲到三四十歲,也有不少太太,應該全部都是聽眾。她是從 Facebook 及街頭義工隊兩個途徑取得資訊加入成為義工的。可惜義工之間並沒有互相介紹,不過大家都非常想 DBC 能夠復播。

人網聽眾現身支持

另一位參加者張老師是香港人網的聽眾,沒有收聽 DBC,主要是因為習慣人網節目沒有時間限制,可以下載收聽。她今次來參加集會,是希望 DBC 能夠復播,香港的傳媒能夠自由自主,維持新聞自由,也希望更多人能夠醒覺。她表示香港的情況現在已經變得很差,擔心只會繼續惡化下去。

黃楚標與鄭經翰等 DBC 電台股東兩段對話聲帶全文
2011年5月錄音

黃楚標:大班,你頭先話節目,大聲台見到有個李慧玲,佢主要鬧政府,仲要鬧中央政府,你係咪想我地做到咁樣…(李國寶:係呀,就是鬧 Donald )咁佢來到我地台,你主要想佢做咩?政策係咩先?

鄭經翰:先講個政策先,做電台,最緊要有公信力,包括我在內,唔可以做政府喉舌…做電台最緊要有公信力,先有人聽。有人聽先有錢賺。最緊要係無政治立場,最緊要是其是,非其非。政府需要監察,唔監察點得呢?我就唔擔心,最緊要唔犯規,無針對性,但我地又唔好做喉舌。如果唔係電台無公信力,就無人聽。

黃楚標:李慧玲…是好惹火,你同我講過後,我地同彭(清華),中聯辦好反感,David(李國寶),你知嗎?(李國寶:知,係好唔想見到佢。),唔想我地要佢。但我亦同佢講此消彼長。但萬一佢來到(DBC),大班控制唔到呢?賺錢,我地當然同意,但我地唔想參與政治,或者捲入漩渦。我地應該明確清晰。

鄭經翰:做傳媒,第一要有獨立性…第二,我無可以話你聽我控制佢,如果我控制佢,係好大鑊,我無可能控制李慧玲,呢樣一定唔可以做。

我解釋畀你聽,有個宗旨,股東係分開。一頂帽,我係股東,另一頂帽我管內容。我係編輯,我都有自主…立場,我地不能預設,我同所有主持人都講,我地一定要根據事實,你地可以話有唔同立場…但我地一定唔可以有政治交易,我地唔可以話Donald話過,咁可唔以過…或者中聯辦我地話,專鬧民主派,就專鬧民主派,咁樣係唔得。一定有公信力。

黃楚標:我地唔想話為了個電台,引起不必要的…

鄭經翰:當你做傳媒,一定有是非…但有是非,你地咪話,找大班囉,把你地壓力卸開去,卸落我到。亦不需要話照住我,我唔使你照。

李國寶:我地照到你。

黃楚標:我地有意見表達,因為李慧玲係好惹火…

李國寶:就是河水不犯井水,我地無謂講咁多,你讚佢又好,彈又好…我地剩係睇返香港。

黃子欣:我講多一個 point,佢(李慧玲)有D聲音黃絲帶......

鄭:要講,一定要講,今日個個都講艾未未,你唔講唔得,咁講完咪算囉。

2012年2月錄音

黃楚標:你亦知道點解我唔點賣得畀你,我係唔肯……我不如買多架飛機。

鄭經翰:如果我找到買家,佢又合資格,你地無得拒絕。

(不詳):但我地同意(買家)先得。

黃楚標:我地做呢,就唔會好似大班咁鬧政府。

(節錄自 Youtube 錄音)

協力:景恆、frankie

相關報導:
DBC 今起政總外集會 要求政府介入調查
DBC 大班台執笠啟示
主場新聞《DBC股東黃楚標李國章錄音曝光》

廣告