體育

三個改變社會嘅足球廣告

廣告
三個改變社會嘅足球廣告

廣告

Boots against racism。主題圖片來源見此

呢排面書圈幾常討論廣告行業同作品。我就認為,到左今日,資訊爆炸,SELL品牌唔止要度條好橋,仲要忠實面對產品,切忌吹牛,或者死雞撐飯蓋。睇下港鐵仲係度賣「新世代鐵路網」就脫離民情。更進一步,如果廣告可以改革社會,就可以造福後人。

有呢個感悟,係因為今日睇到呢本書名叫Goodvertising: Creative advertising that cares。如果用廣東話翻譯,我會譯做《好好廣告》。


原圖請按連結。

作者Thomas Kolster係個廣告人,佢認為,絕大部分既廣告係廢話,剩番既1%係有價值,對人類好,對地球好,而佢要提倡呢1%。要做好好廣告,作者輯錄大量好好廣告,從中歸納七個特質:Contagiousness, Collaboration, Transparency, Compassion, Connection, Generosity, Simplicity, Creativity, Positivity及Insight。

正值世界盃,係書裡面抽三個同足球有關既好好廣告。

1.

第一個係NIKE用廢膠樽,升級再造世界盃波衫。一來膠樽唔駛送去堆填區,二來升級再造需要既能源,比用原材料少成三成。仲有,原來上屆已經生產環保球衣。今屆較多係台灣製造,幫襯既國家隊包括美國、巴西、荷蘭、英格蘭、葡萄牙、法國、克羅地亞、紐西蘭、韓國、澳洲同埋希臘。


原圖請按連結。

2.

第二個係ASICS的Boots against racism。重點是靴,一黑一白。2011年4月,當時效力巴西保地花高的足球員阿布魯El Loco Abreu,跟費林明對賽時,穿了一黑一白的靴,宣揚禁止種族歧視。之前只在一家報章出現廣告,但球賽卻在國營電視直播(Youtube片段見頁底。),過百萬人觀看,效果顯著。廣告的訊息是:El Loco Abreu will play with these boots. Because racism shouldn't win.

3.

去到大型足球賽,通常球員出場個陣,會帶埋細路。如果,有個球員帶幅相出來,希望大家幫手搵番相中兒童,你會點呢?

2010年8月,拜仁對皇馬,拜仁隊長雲邦美(Mark van Bommel)進場O個陣拎住幅相,就係一名失蹤小朋友同埋聯絡網址,估計有1,500萬人收睇場球賽。呢個係Missing Children's Initiative既打頭陣運動,主題係「Germany will find you」。之後有一系列facebook同實體宣傳,吸引人留意失蹤兒童問題,同埋幫手尋人。


原圖請按此

香港既公益廣告,或者商品SELL社會責任既廣告,OK啦,只係有D就老調重彈,例如純賣慘然後叫人捐錢,有時幾趕客。好既例子當然有唔少。我仍然記得吳彥祖賣空氣既廣告(雖然要睇番Youtube先記得係幫「健康空氣行動」宣傳)。至於政府廣告,開頭睇「一名酒後駕駛者奪去強仔爸爸」個時幾震撼架,而家睇就當經典重溫。

鼓吹消費,製造社會問題既廣告,係時候停止。我地需要更多,幫助消除問題既廣告。

廣告