立即捐款

【最後蘋果】報檔加訂至4000份 稱無蘋果如「食飯碗飯冇咗」

【最後蘋果】報檔加訂至4000份 稱無蘋果如「食飯碗飯冇咗」

(獨媒報導)《蘋果日報》今日最後一天出版,不少市民早上到各區報檔及便利店購買。港鐵金鐘站外報檔上午8時半起出現人龍,9時前全數《蘋果》售罄。有市民搜尋多處仍未能買到,慨嘆「(《蘋果》員工)盡咗力做自己嗰份」;亦有市民深信《蘋果》會浴火重生,寄語港人堅持「自己嘅思想」。

金鐘報檔現人龍 檔主:嚟緊冇飯食

金鐘站外的報檔「蘇記」清晨6時開始售賣《蘋果》,老闆蘇先生表示今日賣了1,000份《蘋果》,9時前已全數售罄,比平日「快100倍」。蘇先生指平日只售出幾十份《蘋果》,但今日因其「執笠」而大手購入1,000份出售。他續指,很多客人因《蘋果》才光顧報檔,停刊後等於「食飯碗飯冇咗,你話大唔大件事?」蘇先生預計報檔未來銷量起碼減少三分之一:「嚟緊冇飯食㗎喇,食粥囉。」

《蘋果》售罄1小時後,蘇先生指「突然返生」,將有多3,000份可出售。消息傳出後再次引來人龍,龍尾延伸至巴士站內。約一小時後,所有《蘋果》售罄,蘇先生指「只要大家開心」。

報檔老闆蘇先生
報檔老闆蘇先生

忠實讀者走遍多店鎩羽而回 嘆《蘋果》已盡力

朱先生今早7時許出門打算購買《蘋果》,在將軍澳和金鐘找了7間店鋪都未能買到。15年來,朱先生都是《蘋果》的忠實讀者,他指最欣賞2006年創立的動新聞,以生動刺激的方式報導新聞,自己每天早上上班「眼都擘唔大」,打開動新聞「聽聲可以醒神啲」。

朱先生續指,對於《蘋果》倒閉感到可惜及無奈,認為政權的打壓是意料之內,認為「大家(《蘋果》員工)都出嚟做咗嘢、盡咗力做自己嗰份」,理解它受形勢所逼而停刊。至於未來會看甚麼媒體,朱先生坦言不知道,但相信會減少看主流媒體。

朱先生
朱先生

市民寄望浴火重生 寄語港人「仍然有自己嘅思想」

李先生早上9時到金鐘站外的報檔嘗試買《蘋果》,但失敗而回。他指會繼續尋找,「相信會買到嘅」。李先生認為《蘋果》終有一日會浴火重生,未有感到不開心或悲觀。他續指,世界上所有事都會有轉變,現在被打壓都要面對。但他坦言未來會減少看新聞,認為很多媒體都太偏頗,又寄語港人「無論如何我哋仍然有自己嘅思想」。

李先生
李先生

前記者受蘋果影響選讀新聞系:佢哋夠膽講真話

曾任職記者的Vanessa,今天上班前已「掃勻屋企樓下條街」,仍買不到《蘋果》。Vanessa表示自小開始看《蘋果》,「最鐘意就係佢哋夠膽講真話」,亦因為它而「想讀新聞、想做新聞」,於大學選科時選擇新聞系,後來亦做過一段時間記者。她眼見新聞行業發展急轉直下,新聞自由被打壓,感到心悒,她指做記者未來是艱辛,然而在如施環境下仍然有人堅持做記者,是十分值得尊重。

Vanessa
Vanessa

通宵上班後堅持排隊買《蘋果》:唔可以再隨緣

剛下班、住天水圍的陳小姐,通宵工作後仍堅持排隊買《蘋果》。她表示「瞓少一陣都唔緊要啦,呢啲唔可以再隨緣啦」。她又指,平日主要買實體報紙,因爸爸曾經在《蘋果》任職,而家人亦只看《蘋果》實體版,故不能捨棄手持報紙閱報的感覺。

對於《蘋果》突然結業,她憤慨指國安法的遊戲規則不斷變,隨時制裁異見聲音,「唔單止令到香港人驚,連全世界人都驚」。她亦感嘆,現在失去一份會說真相、捍衛市民利益的報紙,只會令政府繼續為所欲為,「我哋最後只能收聲」。

陳小姐
陳小姐