(獨媒報導)《蘋果日報》最後一期今出版,印刷100萬份。有旺角報攤早上9時許已售完全數近3,000份報紙,不少市民買超過一份,亦有人因未能買報而放聲哭泣。
檔主:全部都係買蘋果 其他報紙無人問津
位於旺角快富街的報攤檔主表示,今早在1小時內售出1,500份報紙,全部皆為《蘋果》,其他報紙幾乎無人問津,「你見到我手都未停過,《東方》賣咗一份囉,其他冇喇」。檔主指不接受電話預訂,期望每一個路過的市民有機會買到最後一份《蘋果》。早上9時許,即使報攤貼出「蘋果已賣完」,仍有不少市民前來詢問。
買報後雨中守候 市民:見到啲人買都開心
家住紅磡的梁先生專程來旺角買報,「紅磡賣晒喇,呢間仲有真係好驚喜!」他買完報紙後仍在雨中守望,不捨離開,「就算做唔到嘢,我見到啲人買都開心」。他特意帶防水塑料袋來裝最後一份《蘋果》,並小心翼翼打開袋子,像打開一件珍藏品。他形容此刻心情五味雜陳,斥政府「遮住眼講大話」,「(市民購買)十份有十份都係《蘋果》,你話你見唔到咩係人心所向?」,接著大喊「你俾返個香港我啊!」他又拿出電話,跟朋友分享賣報地點,「喂,旺角大興啊,飛車過嚟喇!」
在旺角工作的陳小姐得知有報攤仍有貨,立刻當下手頭工作趕來,買下十份之多。她表示得知《蘋果》出事後,每日都購入數份,「睇唔晒可以分俾同事呀嘛」。陳小姐指,一直有訂閱《蘋果》,但對是次事件感到心寒,之後不會再「幫襯」其他紙媒,因為「紙媒中只有《蘋果》質素高」。
購入最後一份 市民:永遠keep好
成功搶到最後一份報紙的許先生,高興地向記者展示手中報紙,「我搵咗好多間喇,間間都冇!」這時有未能買到報紙的市民高叫:「哇,lucky boy呀!」許先生回應:「我會keep好呢份,永遠!」
未能買報泣不成聲:冇咗好珍貴嘅嘢
同樣來買「絕版」報紙的李小姐便沒有這麼幸運,她指自己一下車便直奔報攤,但可惜已賣完,唯有再去其他報攤尋覓。李小姐感嘆,自己和《蘋果》「一齊出世」,自兒時父母便告訴她「《蘋果》係最有良心嘅媒體」,現在它在打壓下離自己而去,感到不傷心,說罷她放聲哭泣起來。接著她哽咽道,平時每日都會看《蘋果》,多年習慣瞬間被打破,一時「好難接受」,「好似冇咗啲好珍貴嘅嘢」。但相比自己,她更擔憂蘋果員工的前路,「點算啊,都唔知有冇媒體收留佢哋」。




