【獨媒報導】立法會中午完成二讀《2021年完善選舉制度（綜合修訂）條例草案》，現為全體委員會審議政府修正案階段。何君堯點名批評香港紅十字會早前以不介入政選舉為由，主動要求移除選委會「醫學及衞生服務界別」有關指明職位及指明實體，「佢哋正正要求政府將佢哋個名剔咗出嚟，呢個本身就係政治表態。」他指名單中有很多非政府組織認為參與選委選舉是一種榮譽，「有好多想爭落去都爭唔到。」
他強調修訂是要防止有人反中亂港，斥紅十字會缺乏認知，「都唔明自己做緊咩」、「難道你想睇到香港被攬炒？然後繼續攞到你嘅血造福人群？香港冇和平穩定繁榮環境，你根本係一事無成。」
他又指從事件上已看清楚紅十字會未有地位與智慧理解中央修訂，並質疑會方收集血液目的，「深喉唾液樣本都俾人話攞我哋DNA，咁紅十字會攞我哋嘅血，我哋DNA又點樣？」
熱血公民鄭松泰之後反駁，指「退出選委就唔係愛國組織，不如你話佢觸犯國安法啦？」他認為紅十字會的退出是突顯其公平、中立、獨立志願機構的角色，「你去捐血睇下啲血係咪藍色呀？」並認為修訂中缺乏退出機制。