比較特別是不斷強調由行政署負責警告和抬走,
如有人激烈反抗才動用警察,

現在電視台記者似乎都在閘內, 拍不到示威者被移離後的處境...

長毛想拉開圍住記者的鐵欄
但now記者形容佢係"衝擊記者區"
現在被抬走

有特別指出一男一女持攝錄機者不是記者

現場記者亂講話佢地係人網的人

而且仲特別提話警方無搞佢地

現似乎是剩兩名民間記者係持攝錄機的

警方同記者講,
閘外邊有示威區
現在只會抬出去,暫不會去警署

現在剩不夠十個人在閘內

會有警察pr出來講野

當日7點半到左下亞厘畢道，我係NOW-TV個女記者後面舉牌，抗議劉迺強「香港再出發」嘅詭辯。忽然有個灰衫黄毛巾圍頸嘅男人急急腳走埋來話做緊直播叫我讓開。我就話佢知呢度係公衆地方。佢仲要聲大夾惡，但當佢發現我影緊佢相就走返去，揾個恤衫友過來同我講（好似係個男記者，個名唔記得），話乜而家做緊另一個話題，或者話想影下群衆，如果有需要可以同我做專訪之類。見佢講得有少少道理，我就讓位俾佢拍群衆。但因為我餓得濟，過一陣走左。

事後諗返，
1.唔明。你睇外電，舉牌搶鏡頭好自然係示威嘅一部份，點解係香港就好似咁「地下」？你有嘢講，直接對鏡頭講，做乜事必要記者幫你演譯？三電視台嘅鏡頭一字排開，係好易俾牌遮住嘅，但咁更顯示出三電視台單一觀點視角，損害觀衆嘅知情權。

2.個男記咁做九成係緩兵之計，其實人性都係咁，為左要你點，乜都肯制，事後就話知你。所以，做乜都要推落去下一着，佢話要幫你做專訪你就一口答應睇佢點。餓都要忍。

3.整牌時我已諗過我嘅message係乜。呢樣野好重要，如果真係有專訪，第一句就要到肉到骨入心入肺。（份宣言詭辯充斥，偷換概念，上一句係中國嘅成就，下一句就話中共點正；同一道理，世界民主自由嘅先驅都係喺專制政權之下大嘅，咁專制政權咪對自由民主有好大貢獻...
倒果為因，話而家社會問題都係因為唔「和諧」，實情係社會有問題好自然就有怨言...同埋講得好抽象，唔舉d 實例，...想問佢「和諧」點定義又唔清，好似係跟阿爺口水尾。...）

P.S.我想知點樣upload相入inmedia.

昨晚忙完遊行, 朋友告知我他們幾個年輕人在組織留守政府總部, 問我會不會加入。

我問: 留低為的是什麼?

他們答: 好簡單, 要求只有三項 - 一, 要求特首曾蔭權為一連串施政失誤道歉; 二, 要求特首曾蔭權立即現身, 同市民對話; 三, 要度現在就要民主, 立即交出普選時間表和路線圖。

我幾乎都沒有猶豫就決定留低, 我一定要做這件事。我感覺幾項都幾原則性, 幾乎無可能發生, 但是我在想, 市民有訴求而遊行靜坐, 希望同特首對話, 難處在哪? 為什麼沒有可能? 想不到我沒有憤怒, 而是有一點心痛。到了政府總部, 我就用電話發了message希望朋友加入, 因為我覺得這是對的事, 如果我知道, 我也希望我的朋友也有機會加入。

所以我, 以及我所觀察到很多周圍的人, 留低的原因不是因為長毛, 不是因為阿牛, 這件事幾乎是沒有組織, 只不過有一部分人是常客, 所以在期間負責做一些帶領, 呼籲同忠告的動作。

我第一次參加這種集會, 觀察到好多事, 例如參加者的類別大部分都是年青人, 有三五成群的, 不過都沒有大的組織在背後調配;整件事的發展是比我想像中"大陣仗"的, 一百幾十個靜坐人士, 就出動到幾百個警察, 連外面的路也要封閉, 不准出外用洗手間, 不准在門外傳食物和水進內, 鐵馬又重重封鎖, 那時候是在半夜, 在一座沒有人辨公的政府大樓下, 我們和平靜坐, 表達訴求, 我都不明白自己是在搗什麼亂了?

直到警察要求清場, 我們都有心理準備, 不打算掙扎任人抬走, 想不到警察的行為居然奇怪到不是自己去清場, 而是要那幾位四五十歲, 月入都不知有沒有一萬元的保安員去抬靜坐人士, 我明白這是行政命令, 不過就是這些官僚制度和"計仔", 令人覺得好荒謬好可笑, 天哪, 你幾百個警察圍著在standby, 卻要幾個"阿叔""阿嬸"做野, 我眼見一個四五十歲的保安阿哥在做伸展動作預備抬人, 我真的好怕你腰骨受傷, 如果你是屬於外判公司保安, 工傷都不知要claim到何年何月何日。

還有一些其他的觀察想要記下來。昨晚有好幾個記者想訪問我, 我都婉拒了, 我的聲音都是由我自己表達比較可靠。

示威組無組織，而係一個民主救港聯盟的組織帶頭

明明就係一個無組織扮組織的組織麻 XD

而家報導緊示威, 有人舉牌實在好正常, 點解羅燦咁驚?