生活

週六 2014-09-13 姐死姐還在

如果今晚六合彩係薑蓉中，佢可以搞多幾多次遊行？

A A A

我見到經濟日報個價目表，寫1億5千萬可以買幾多樓，買幾多iPHONE，上幾多次太空，生幾多個仔等等等。

我想做個另類少少的「1.5 億獎金做到咩」圖表，請睇圖：

今日我依然係要八至五半咁返工，但我歸心似火箭，無心戀戰。完全心繫夏春秋，全情等運到，等開六合彩，期待脫離貧窮神魔掌嘅一刻。

我真係準備好哂中六合彩：

＞真係好鬼驚中左心臟病發猝死，如果中左冇得使真係好鬼死唔抵。
＞我同同事夾左幾千蚊買六合彩，中左，就用粗口寫信同呀姐辭職。

PS. 此時此刻，我揸住嘅係同同事夾六合彩嘅COPY，我真係好WORRY，到底中左，我同事會唔會潛逃瓦奴瓦圖。

再PS. 如果今晚我中左1.5 億，我會學薑蓉，向佔中人士派錢。