佔中踏入第十日，呢十日令我見證到香港人嘅堅持同意志，非常滾動。
另一邊廂，呢幾日見到MK附近嘅小商戶因為佔旺行動而冇生意，確實係心有戚戚焉。（咁我梗係唔係話D 金鋪sss，銀行分店sss同連銷奶粉藥油集團sss啦）個日我見MK有個賣報紙嘅阿伯，聲嘶力竭呻冇哂收入。
我明白佔中運動係要付出同犧牲，運動係自願性參與，你可以根據個人嘅意願，選擇去付出，並選擇付出幾多。咁小商戶係呢個層面上的確喪失左選擇付出與否嘅權利，我地係必需承認佔旺行動係兜口兜面影響左小商戶嘅生計。
咁可以點先？
我在此列出以下兩點，希望兜口兜面面對呢個問題，希望「由阻人搵食，變助人搵食」...…
- 請大家開心share邊D小商戶因為佔旺生意好唔掂，請tag#助人搵食，我地齊齊去幫襯佢。
- 如果你支持佔旺，但又冇時間坐係度聲援，不如你放工放學特登去幫襯受佔旺運動影響嘅小商店。
P.S. 好少可MK少左咁多自由行，當然係要把握時機幫襯啦。如果生意係小商戶支持爭取真普選嘅唯一顧慮，我地冇奶油唔做D野架。