廠牌：維港唱片
類型：Indie Pop
格式：CD
發行日期：2014-10-04
評分：7.4/10
都快30歲人了，仍然係冇錢冇樓冇女友，適婚年齡已到，還是如此一事無成，像被世界遺棄的垃圾。當90後都慢慢走向了社會，80後一代更覺自己身份尬尷、愈嚟愈似「老餅」，無力感已經悄悄殺到埋身，你點能夠聽著《五點鐘去天光墟》時，不發出一點唏噓呢？
喜歡my little airport嘅一個原因，係因為佢哋離我們嘅生活是如此之近，嗰啲只係圍繞身邊或放大自己瑣碎事情嘅作品，卻有時切中到大家共鳴嘅神經，譬如踏著規律腳步的《給親戚看見我一個人食吉野家》，就喺林阿P獨有的冷幽默歌詞之中，將那種「毒L」應能體會到嘅無奈，和好似要去街也要帶著腳架扮有伴幫你影相嘅自我安慰心態，刻畫得入木三分；而搭上卡列尼娜、西西的《我在暗中儲首期》，又寫出咗（偽）文青年的困境，以及應對嘅浪漫。生長於和平年代的這世代，生活卻非一帆風順，鬱鬱不得志的《土瓜灣情歌》、愛無能的《愛情disabled》，都令你覺得煩惱是未曾減退、變態的心理問題更加之嚴重，加上官商勾結、制度敗壞、政策的考慮不周，年輕人無論點樣努力都難上上流，發展機會處處受限，這城市開始出現十分錢一分貨嘅現象，「美麗新香港」變得愈嚟愈陌生，MLA對呢個社會嘅失望，和同佢的格格不入，令到一種複雜嘅消極情感喺新碟內不斷地發酵。
睇唔到自己未來嘅人，唯有去繼續沉淪，《今晚講嘢夜唔夜》的「道德淪亡」，正啱嗮如此腐化嘅人間；專輯比前張《寂寞的星期五》加多咗Band Sound嘅元素，亦都放多咗「重口味」嘅調料，《海心公園》內柔美的和聲、旋律，被沖入到Shoegaze般的聲波與燥裂音墻中；《月映之審判者》突出的鼓點，跟漂浮的結他、鬼魅嘅輕吟融合，正體現唱片轉趨更濃烈的風格嘗試。MLA明白將疑問現實嘅歌詞放入清新嘅音樂中，已經不能完全地表達宜家心裡面嘅情感，佢哋讓作品的編曲變得更加暗黑和「張狂」，既貼合到這墮落嘅狀況，也釋出了再難以去忍住的沮喪或不滿。
「軟硬兼施」嘅《適婚的年齡》，當中有模仿楊千嬅作品風格的《年輕的茶餐廳老闆娘》，連Nicole壓低聲音嘅演繹，都俱千嬅的影子；歌曲吸引到人注意之前奏，本身就帶著懷舊的格調（也match到楊千嬅的文藝line），而包括歌詞、旋律配搭起來產生嘅嗰種少男/少女懷春式朦朧feel，又令人諗起純真的年代。專輯以從前單純的回憶，跟「舊時唔係咁架」嘅現實作出反差，正如歌仔都有得唱：「想到舊事，歡笑面常流淚」，但「逝去了的都已逝去，Ah......」，怪不得一首載你回去嘅《京都民宿夜》，可以和自己的童年溝通，並聽到人心有戚戚然。
已經過了做夢年齡的80後，很容易就感覺被這社會落單，半唱半念嘅《五點鐘去天光墟》，凸現出的孤獨、無助，或是絕望嘅心態，被歌最後賦予上虛無色彩的幾句歌詞——「不知天上宮闕，今夕是何年，我欲乘風歸去」——巧妙地概括咗出來（引用鄧麗君的歌曲也同時表現林阿P開始懷舊、漸變得「老餅」嘅狀況）。新專輯從苦悶的《土瓜灣情歌》唱起，因自覺找不到出路而玩世不恭、放蕩不羈，正符合上世紀50-60年代風靡法國乃至歐洲的薩特式存在主義之自由意志本質；但無論「自在的存在」定「自為的存在」（即使後者也會受到社會的影響），都難以憑個人作絕對的自由選擇；而身處於這價值失守、環境變壞的城市裡，很多事情亦限制了你的隨心所欲（連要咩咩都要先去山頂，因為屋企太細，想咩都咩唔到）。my little airport嘅《適婚的年齡》，像把消沉的自我丟失在灰暗的生活中，它以小見大、舉重若輕，不僅用呢個「自我」化做了一代人的共同身份，也用呢個「自我」，代表了眼前曾經風光，但為咗短暫的興奮（依賴強國暴發式的自由行），而付出最昂貴教訓嘅所在之地方。