立即捐款

周諾恆 jaco

社民連內務副主席 網誌

社運

識得鬧一定係咁鬧

識得鬧一定係咁鬧
廣告

廣告

聽聞龍和道示威者以大量涉及警察家人的粗口和人身攻擊狂屌了警察幾個鐘。

我想話,以我本身咁爛口又咁憎警察既人,原則上係唔會覺得用粗口係錯既。但係講粗口,同人身攻擊,以至講到「拖你個女去俾狗屌隻狗都唔撚制」等等說話,係有分別的。呢個係道德、倫理問題。

其次係實作性既問題。大家要知道,警察係一件極度依靠虛妄父權心理去支撐的物事,自大得黎但係自尊心係好撚好撚脆弱,好容易就覺得人地嚴重地落佢面,任何對於威嚴的威脅對佢地來說都是被去勢咁撚恐懼的。所以一落佢面,佢會發鳩癲,你唔好高估佢地的自制能力。有理性的話就唔會咁樣打 Ken Tsang 啦!

2011年71我被捕, 入到去,鄧竟成個仔不斷挑釁我地,我就忍唔住還口「係呀,哦,嘩咁後生就著白衫呀,呀鄧sir.........個仔!」並對身旁的白板仔說:「嗱!睇下,人地仲細個過你,點解人地高級咁多呢? 因為投胎叻過你呀!」

嘩,呀鄧sir個仔個樣,嬲撚到頸都紅哂,想咬死人咁,我都幾肯定再撩得幾撩,佢好有可能失控!

今年613東北,有其中一個女仔原本唔係target,但係拎咪鬧左警察咪手幾句,「你收聲!」之後白衫阿sir又好嬲咁同個手下講:「陣間一定要拉佢!叫我收聲?!」

甚至近年首開打示威者先例、嗰班在警車上打我地既警察打完都話,佢地最慶既地方係我揸咪嗌左幾句屌佢老母。嗱,當然,其實警察拉唔拉、打唔打,唔完全關你做/講d乜事。佢係要打,你唸唐詩三百首佢都一樣打。但自己諗下,會唔會令到個trigger易郁左,會唔會令到個程度嚴重左囉。

同埋呢,真係要顧下觀感。即係警察打人,多數人都會覺得警察唔啱,但係同時都好多人對於挑釁警察好反感。

鬧警察,原則上,係一定啱的。不過可能轉轉個方式,比如義正辭嚴式既鬧,效果應該會好d吧......anyway香港又唔係ready全面同警察開戰。

BTW,old school坊間俗語,警察既代稱除了有 「龜」,也有較mild但也較直接的 「衰人」。可參考。 (不過字眼上雖然mild,但比較多是撈偏既人先講的。)

題為編輯所擬

廣告