相片來自 Google Map（旺角彌敦道的兩旁）
你地覺得成街得返金鋪藥房細鋪俾人迫死晒叫正常生活嗎？
出街買野得返連鎖店叫正常生活？
有人想創業但係俾租金迫到執笠攪到商品選擇單一化係正常生活？
供樓要供一世就黎租樓都無錢又好正常？
香港得返一個中央電視台連講事實都要 cut 埋咁又正常？
我地個特首可以咩都唔做就收5000萬又好正常？一話要查佢就有過半數議員反對咁又係正常？
政府要立23條打壓我地言論自由咁好正常？
中央發表白皮書破壞香港高度自治承諾咁又係正常？
我地同政府好聲好氣講咗咁多年都當我地無到咁都係好正常？
我地要仲可以用正常途徑求依個政府會幫我地？
的確佔領會令一部分人生活受阻，我要為我有份做嘅同大家道歉，但係咁都係為咗大家以後可以過真正正常生活，起碼不至於依家咁不斷倒退，請大家可以體諒一下忍一陣痛，萬分感激！
要閙嘅可以隨便閙我。