立即捐款

生活

「我岩岩收到個朋友打嚟,佢話佢喺未來 。」

「我岩岩收到個朋友打嚟,佢話佢喺未來 。」
廣告

廣告

不如聽下故仔,我岩岩收到個朋友打嚟,佢話佢喺未來 。

「喂 ?」

「喂,我呀,阿強呀,打咁耐先通嘅。」

「 好耐無見喎 ?呢幾日你失晒蹤嘅 ?」

「喺呀,我去咗未來。」

「吓 ? 」

「喺呀,未來呀,FUTURE呀,懂無?條街依家終於空番出來啦,又可以番工,又可以聽老細講野,我等呢日都唔知等左幾耐,開心都來唔切!果班讀屎片既中大學生全部入晒監獄啦!記唔記得我講過讀書讀死人先,呢啲咪就喺報應囉。民主邊餵得飽個肚㗎,班傻仔俾人拉之前仲用遮擋子彈喎,超!咁同你用個雪糕筒塞住個爆水渠位有咩分別姐。」

「喂,阿強,你食錯藥呀 ? 你依家安唔安全呀,我來搵你 。 」

「吓,唔駛啦,我未試過好似依家咁安全呀。條街一啲都唔亂,啲金鋪藥鋪地產鋪井井有條,依家個個都開番工咪幾好。大大話我上個禮拜都蝕左成十幾億啦,我唔番工點回數呀。我知你會話啲錢落唔到我袋呀嘛,你咁就錯啦。我老細有錢賺,每年有幾嚿水人工加,唔喺唔袋住先呀 ?」

「...你記得飲大左好番歸啦,藍絲帶喺出面開緊火㗎。」

「所以話你仲講佔中真喺一九九九呀。你睇下果陣班市民又打人又非禮又點點點,依家唔同啦,好左好多!香港犯罪率掉到零呀!啲人跪地切水果咁喳喎,唔喺咁都有問題呀 ? 我喺警察佬就真係睇唔過眼要放走班良民啦。再講,香港治安咁好,邊度有到暴民呀?班警察應該一早就跟住大佬搵食啦,得閒囉,咪著番套制服,企喺街COSPLAY 自娛下囉。」

「出面好多警察守緊喎,無駛就奇啦。即係咁,你無野就得,我收線㗎啦?」

「你鐘意啦。呀喺喎,你呢幾日記得睇住新聞。 呀梁振英就落台㗎啦,咁鬼怯場。來緊果個就真喺唔話得啦,講硬骨頭鐵桿子嘅,由頭到腳都跟晒足藍絲指引,又夠晒熱誠晨咁早拉票,你記得到時投佢呀!邊個你自己諗啦。唔吹住啦,老細CALL 到。記得依家你咩都唔好做,完左就有工番㗎啦!喺咁啦。」

「。。。」

廣告