文：葉炳林
正所謂索尼罪大滔天，但係都要鬧臭「左膠」先！到底「左膠」有乜咁犯聚憎？且看小弟示範一百個可以用黎鬧「左膠」嘅理由：
1. 有人呼籲撤離金鍾？鬧左膠啦！
2. 有人呼籲留守金鍾？鬧左膠啦！
3. 有人呼籲撒離旺角？鬧左膠啦！
4. 有人呼籲留守旺角？鬧左膠啦！
5. 有人想權力集中大台？鬧左膠啦！
6. 有人呼籲放棄大台？鬧左膠啦！
7. 有人架鐵馬路障？鬧左膠啦！
8. 有人企圖拆路障？鬧左膠啦！
9. 有人和理非非？鬧左膠啦！
10. 有人勇武抗爭？鬧左膠啦！
11. 有人圍圈討論？鬧左膠啦！
12. 有人唔想討論？鬧左膠啦！
13. 冇公民提名？鬧左膠啦！
14. 外國勢力入侵？鬧左膠啦！
15. 外國勢力冇入侵？鬧左膠啦！
16. 陳雲中聯辦過從甚密？鬧左膠啦！
17. 香港人睇外國足球多過本土足球？鬧左膠啦！
18. 利物浦光輝不再？鬧左膠啦！
19. 巴西9號特別廢？鬧左膠啦！
20. 球王美斯飲恨世界盃？鬧左膠啦！
21. 希特拉都cut唔到有線？鬧左膠啦！
22. 港鐵又故障？鬧左膠啦！
23. 故障之餘仲要加價？鬧左膠啦！
24. 九巴路線改到鬼五馬六？鬧左膠啦！
25. 買唔到奶粉？鬧左膠啦！
26. 買唔到柴米油鹽？鬧左膠啦！
27. 買唔返十蚊燒味雙併飯？鬧左膠啦！
28. 凍飲要加三蚊？鬧左膠啦！
29. 買唔到車買唔到樓？鬧左膠啦！
30. 排公屋排到下一世？鬧左膠啦！
31. 女神唔應你ＷhatsApp？鬧左膠啦！
32. 男神唔應你WhatsApp？鬧左膠啦！
33. WhatsApp被Facebook收購？鬧左膠啦！
34. WhatsApp變雙藍剔？鬧左膠啦！
35. 被迫add老闆Facebook？鬧左膠啦！
36. 女朋友唔肯AA？鬧左膠啦！
37. 男朋友唔肯請食飯？鬧左膠啦！
38. 老婆出去偷食？鬧左膠啦！
39. 老公出去偷食？鬧左膠啦！
40. 入唔到大學？鬧左膠啦！
41. 讀IVE仲好過讀大學？鬧左膠啦！
42. GPA唔過3？鬧左膠啦！
43. 去唔到exchange？鬧左膠啦！
44. 住唔到hall？鬧左膠啦！
45. Professor講書悶？鬧左膠啦！
46. Professor佔中唔上堂？鬧左膠啦！
47. Professor上堂唔佔中？鬧左膠啦！
48. 等Avengers 2等到頸都長？鬧左膠啦！
49. Marvel買唔返神奇四俠？鬧左膠啦！
50. 柯南十世都做唔完？鬧左膠啦！
51. 小岡念力盡失？鬧左膠啦！
52. 富奸又停刊？鬧左膠啦！
53. 妖尾追到悶？鬧左膠啦！
54. MH4唔出係Playstation？鬧左膠啦！
55. MH4G冇迅龍打？鬧左膠啦！
56. 天廻龍好難打？鬧左膠啦！
57. 時獄篇無哂合體技？鬧左膠啦！
58. 天獄篇注定爛尾？鬧左膠啦！
59. 雪山飛狐冇結局？鬧左膠啦！
60. 連城訣太悲情？鬧左膠啦！
61. 尋秦記太色情？鬧左膠啦！
62. 邊荒傳說拖慢劇情？鬧左膠啦！
63. 日月當空跳哂劇情？鬧左膠啦！
64. 龍戰在野狂抄劇情？鬧左膠啦！
65. 黃易虎軀一震？鬧左膠啦！
66. Alex Lester嬌軀劇震？鬧左膠啦！
67. 傷風感冒？鬧左膠啦！
68. 痰多咳嗽？鬧左膠啦！
69. 痾嘔肚痛？鬧左膠啦！
70. 空虛寂寞凍？鬧左膠啦！
71. 伊波拉肆虐？鬧左膠啦！
72. 病都要返工？鬧左膠啦！
73. 今晚又開OT？鬧左膠啦！
74. OT冇補水？鬧左膠啦！
75. 人工追唔上通脹？鬧左膠啦！
76. 又打唔成八號風球？鬧左膠啦！
77. 中唔到六合彩？鬧左膠啦！
78. 鄭子誠有陰謀？鬧左膠啦！
79. 音樂情人冇陰謀？鬧左膠啦！
80. 沒有膽色纏你心亂如麻？鬧左膠啦！
81. 世界對女生有很多恐嚇？鬧左膠啦！
82. 做對好兄弟又如此相愛旁人會說不該？鬧左膠啦！
83. 情人沒我份犧牲當做例行？鬧左膠啦！
84. 總差一點點先可以再會面？鬧左膠啦！
85. Lonely Christmas？鬧左膠啦！
86. 其實壓力真可以比天更高？鬧左膠啦！
87. 攔路雨偏似雪花？鬧左膠啦！
88. 於心有愧？鬧左膠啦！
89. 六月飛霜？鬧左膠啦！
90. 亂踢的波省中面了？鬧左膠啦！
91. 講起就扯火家姐被人炒？鬧左膠啦！
92. 感冒童自瀆入院？鬧左膠啦！
93. 人類總要重覆犯錯？鬧左膠啦！
94. 父親買錯PSP？鬧左膠啦！
95. 補習老師facebook被人hack？鬧左膠啦！
96. 某報紙日賣百份？鬧左膠啦！
97. 畜牲收樓冇屍骸？鬧左膠啦！
98. 方丈份人好少氣？鬧左膠啦！
99. 高登account被bam？鬧左膠啦！
100. 總之有理無理，鬧左膠啦！
到底，上帝可唔可以創造一個冇得用黎鬧左膠嘅理由呢？
後記
身為一個（自稱）馬克思主義者，近年來不少對香港社會政治形勢不熟悉的朋友都會問我，什麼是「左膠」？思前想後，我總無法給出一個確實的答案。可是，近一個多月來的佔領運動，「打左膠」情況越趨激烈，令我醒悟其實答案非常簡單。
「左膠」是一種藥。
主要成份：稻草
主治：存在感低、缺乏認同、過度自卑、精血過盛
用法：將稻草扎成人形，配上「左膠」稱號，任意加上罪名，然後對之口誅筆伐、拳打腳踢，宣洩過後配以藍威寶洗地。患者依此法重覆使用「左膠」，當可時常自我感覺良好，提升自信心，身心得到慰藉。
（本文曾於十一月十二日凌晨時份發表，後被獨媒編輯暫時落架，原因是原文有不少粗口。應編輯要求，現把有粗口的位置修改，重新發表。）