政經

新聞解毒短打:「放權十八區」?——無牙老虎充大王

廣告
新聞解毒短打:「放權十八區」?——無牙老虎充大王

廣告

文:深水市民仔

佔領剛清場,方向報在一大堆清場報導後的第一篇大報導,就是《放權十八區 人財兩加》。「放權」?好「民主」咁喎!不過,嘿!標題同現實兩回事,都唔係第一次,都係睇真先:

第一段第一句就係,「現屆政府上任初期大力改革地方行政」,哇,未有報導就有結論,好似唔洗寫到咁喎。哇!話喺深水埗同元朗區試行左這個「權力下放」八個月!八個月真係就嚟仔都生到個,但作為一個關心社區的深水埗街坊,連聽都未聽過喎,點解新聞仲話「計劃取得一定成效」???

好啦,咁究竟改革乜,對街坊有何好處先?好似無報導喎…

淨係話區議會地位高左喎……咁,即係同依家有乜唔同?完全冇講!區議會地位高,對街坊到底有無好處?又無講。

又話請多左專員處理地區事務,即係公共地方管理和環境衛生之類。乜唔係康文署、食環署已經做緊?有乜分別?如果無分別,咪架床疊屋,浪費資源囉!又完全唔講!

到底係唔係真係放權?問下當區街坊就知啦,但成篇報導竟然一個街坊的聲音都無出現過。方向報竟然用「放權」作為標題,幫政府賣廣告呀?

佢唔講,唯有自己上網找資料睇:原來,所謂的「地位高」,就係無權過問「廣泛政策和資源影響的問題 」!即係話,若然有塊吉地,起公屋定豪宅,公園定醫院,區議會都依舊係無牙老虎,方向報仲講到又「放權」又「大力改革」咁威威?

講到唔清唔楚,手停口停街坊點去查證吖?仲話自己係基層報紙,方向報連基層最關心的東西都唔查真唔報導,仲係咁一味唱好,真係唔知係刻意定係冇心啦。

【草根.行動.媒體】

新聞來源見

廣告