「搞錯呀，無啦啦凹左落去，行死人嚕。」一名婆婆差點就被地磚絆倒，今次幸好婆婆無事，原來曾經有老人家試過被地上突起的石屎塊絆跌，跌得頭破血流，要立即送院。
只因華貴邨其實已有廿幾年歷史，很多地方都受到風雨侵蝕，有部分地磚亦開始凹陷，導致凹凸不平的情況出現。服務華貴邨十幾年的楊小壁路見不平，決定要處理一下這個問題，不再讓意外發生。
「就係呢個位，你睇下真係好斜，又凹凹凸凸。」楊小壁約房署外判管理公司-創毅的管理人員一齊視察華貴邨其中一處最易出事的地方 –的士站地台。
「好好地一個行人路，變得咁斜都唔係比人行既，失敗！個地下凹凹凸凸，失敗！啲石屎突起出黎，老人家好易跌倒，失敗中既失敗！最慘係啲輪椅使用者，條路咁斜容乜易反車，重會跌出馬路，你話有冇攪錯喇。」小壁向創毅一一反映，對方都認同有改善的必要，答允進行工程，但因為排程問題同需要審批，未能即時處理。
時至今日，的士站地台終於都完成重鋪工程，唔少街坊都覺得滿意，認為新地台更舒適易走，更方便輪椅使用。小壁感謝創毅公司的配合，並會繼續路見不平。