體育

印尼黑幫也有愛足球的....?

廣告
印尼黑幫也有愛足球的....?

廣告

2015 Indonesia Super League(印尼超級聯賽)有觀光好地方峇里島嘅足球隊參賽!Bali United(峇里聯)正式宣佈參加2015年ISL聯賽。

峇里聯並非升班球隊,前身係Persisam Putra Samarinda(佩斯森),球隊根據地位於印尼東加里曼丹省首府Samarinda(三馬林達),成立於1989年,雖然並非印尼足球勁旅,但佩斯森喺東加里曼丹省地區有最多支持者(Pusamania =普沙狂熱支持者),『Pusamania』喺東南亞亦有名氣。

不過今年年頭三馬林達另一支球隊Pusamania Borneo FC(普沙死忠婆羅洲FC)喺三馬林達成立並參加次級聯賽,婆羅洲FC係全印尼第一支以死忠命名之職業足球隊,全印尼第一支由死忠球迷成立嘅職業足球隊,前身叫Pusamania FC。

好年青嘅Pusamania Borneo FC(普沙死忠婆羅洲FC)主席Nabil Husein Said Amin係三馬林達土生土長嘅馬來人,本來非常支持佩斯森,佩斯森每一場賽事佢亦會到場,但佩斯森多年來只係聯賽中流球隊,Nabil Husein Said Amin一直感到不是味兒,認為管理係佩斯森失敗原因。剛剛20歲,因為家庭關係,Nabil Amin已經係印尼成功嘅商人,亦係加里曼丹嘅著名富豪,因為有錢,Nabil Amin成立咗由佩斯森支持者組成之業餘足球隊Pusamania FC(普沙死忠FC)。

Nabil Amin一直希望成為佩斯森嘅大主席,但佩斯森一方一直拒絕同Nabil Amin來往,原因不明,不過好多東加里曼丹省人聽說過,Nabil Amin嘅家庭同印尼黑幫有關係,甚至有好多人認為Nabil Amin就係某某黑幫成員之一。由於比佩斯森拒於門外,Nabil Amin只好把業餘足球隊Pusamania FC變成職業足球隊並註冊參加2014年印尼次級聯賽,改名做Pusamania Borneo FC(普沙死忠婆羅洲FC)。婆羅洲FC參加次級聯賽之前,冇乜人睇好佢地可以升班,但好快就成為次級聯賽勁旅,去到半決賽,就發生咗另外2支球隊PSS Sleman及PSIS Semarang避免晉級後與婆羅洲FC作賽爭相擺烏龍而故意輸球嘅事件,雖然2支球隊爭相擺烏龍表面同婆羅洲FC冇乜關係,但有好多人認為事件同婆羅洲FC黑背景有關,最後婆羅洲FC安安穩穩咁拎咗2014年印尼次級聯賽冠軍,2015年參加超級聯賽。

羅洲FC登上超級聯賽後,Persisam Putra Samarinda(佩斯森)就搬根據地去咗峇里,佩斯森管理人指去峇里係揾新市場,但有人猜測,佩斯森係比疑似黑幫趕出三馬林達。佩斯森去咗峇里,支持者『Pusamania』睇法不一,有支持者認為只要有心搞好三馬林達足球,就值得支持,有支持者認為呢支唔係自己支持嘅球隊,有支持者認為呢支Pusamania Borneo FC(普沙死忠婆羅洲FC)只係黑幫玩具,但點都好,婆羅洲FC嘅內外同佩斯森好唔同,睇落唔係得個『形』,運作方式亦同一般印尼足球隊唔同,婆羅洲FC係乜東東,就要睇睇喇。

雖然Nabil Amin嘅家庭同加里曼丹黑幫疑似有關,但冇事實証明Nabil Amin係黑幫成員,Nabil Amin喺印尼嘅身分係成功嘅商人,做嘅係正當生意,印尼足總亦宣佈婆羅洲FC合規格批准註冊超級聯賽,Nabil Amin亦指黑幫傳聞只係對手抹黑,次級聯賽半決賽PSS Sleman及PSIS Semarang爭相擺烏龍唔代表同婆羅洲FC有關,Persisam Putra Samarinda(佩斯森)搬根據地去咗峇里只係揾新市場,就係咁。

發生假球事件爭相擺烏龍變成國際級新聞後,印尼前國家隊隊員Rochy Melkiano Putiray(佩迪里)喺一個印尼電視節目大爆:「黑幫足球在印尼是非常長期的。」因此,佩迪里對PSS Sleman及PSIS Semarang事件並不感到驚訝。

廣告