2015年印尼超級足球聯賽每支球隊只可以註冊3位外籍球員，在唔係往日嘅3+1（3個非亞洲球員及1個亞洲球員），因為呢個關係，唔少球隊唔在揾亞洲球員。
幾年前，印尼超級足球聯賽喺外籍球員註冊係走3+2，曾經係亞洲球員尋覓機會嘅好地方，呢度可以揾到唔同國籍嘅亞洲球員，但不久內亂令聯賽變成亂七八糟，一部分球隊財政出現問題，欠薪消息多如牛毛，甚至有外籍球員冇錢睇醫生死亡，嚇壞唔少本來有意去印尼嘅亞洲球員，加上泰國、馬來西亞足球環境較穩定，發揮所長嘅機會又多，薪金待遇又唔錯，亞洲球員去東南亞揾嘢做，大部分唔會選擇印尼。
印尼足總決定2015賽季註冊3位外籍球員之後，一啲球隊索性唔在揾亞洲球員，揾人工平啲嘅非洲球員及東歐球員更好，現時喺印尼超級足球聯賽揾嘢做嘅亞洲球員，都係喺印尼立足過一段日子，包括柳铉口、柳在勳及松永祥兵。
來自南韓嘅中場球員柳鉉口踢過好幾支韓職隊伍，初出道效力浦項製鐵，但係4年間都冇出過1秒場，於是乎轉會去富川SK、濟州聯，雖然出場機會多咗但係一樣係大後備，去到尚州尚武比較多機會，但係都冇正選踢。2009年柳鉉口決定遠赴新加坡職業足球聯賽加盟由韓國人做搞手嘅超紅隊，今次終於有正選踢，而且仲比印尼巴東睇中。
來自南韓嘅柳在勳本來只不過係一名於南韓職聯打滾嘅平凡門將，一直喺大田市民隊當第三後備，四年間只獲派兩次上場，由於上陣機會實在少，柳在勳決定離開南韓南下足球水平不高之東南亞發展，結果來到印尼，巧合地佩斯普拉需要一名門將，試腳成功即簽約成為首位登陸印尼聯賽嘅南韓門將。
來自日本嘅松永祥兵司職中場，曾經效力史浩克04預備隊及愛媛FC，2011年南下展開印尼之旅至今。