教育

新聞解毒短打︰方向報之國情教育

廣告
新聞解毒短打︰方向報之國情教育

廣告

文:小草(2015 年 1 月 9 日)

施政報告都未出,方向報已大力幫政府宣傳國情教育。

一方面大灑金錢,話要六百間香港學校每人搵一間內地學校做姐妹,搞交流,要花上每年約一億二千萬元!

但另一方面,又話無錢,請小學教師都唔肯請多啲「學位教師」,係都要壓價請「文憑教師」,搞到啲年青人讀完大學出來,同工不同酬,供樓都供唔起。

一齊吹下水或樂器交流啫……現在互聯網咁發達,網上交流都得啦,洗乜咁多錢。仲要原來所謂了解國情,不過係見到高樓大廈大酒店驚嘆下啫。其實,愛唔愛一樣野或一堆人,係一個人的自由,只要唔傷害其他人就得, 但淨係見到高樓大廈大酒店,有得威威就愛國,呢啲愛都好假啫。

方向報仲要自我性格矛盾得很,同日其他報導,又二話不說,就咬定假金牛一定係來自內地旅客。其實換你做旅客,去到旅遊點兌換,點知啲錢係真定假?咁係咪都可以追問下兌換店或旅客大多在內地換定在香港換呢?但方向報就咬定係內地旅客。

好啦,一方面就不遺餘力報導未知係咪真的負面內地消息;另一方面又大隻字引陳佐洱質疑香港後生仔被「洗腦」,質疑[為何回歸時娃娃學語的人」現在竟會揮動米字旗。

大佬,不斷在香港發生的事和方向報一直有份吹的內地負面新聞,都係切身的國情教育。唔好當啲年青人係無腦先得架!如果說回歸時才娃娃學語的人,其所謂不愛國之「洗腦」,恐怕還是兩地政府和香港傳媒的功勞。

【草根.行動.媒體】

新聞原文
陳佐洱:部分港青年國民意識存缺失 (2015/1/9)
小學學位教席比例擬上調 (2015/1/9)
店舖變驚弓鳥 部分拒收金牛 (2015/1/9)
當局擬資助中港校結盟(2015/1/9)

廣告