立即捐款

生活

新聞解毒短打:金牛難分真與假

新聞解毒短打:金牛難分真與假
廣告

廣告

文:真紅衫魚

又有假一千蚊紙喎,到底要點分呢?方向報報導只係講左兩點:(1) 鈔票上印製年份有曾被「刮」痕迹;(2)「新版螢光條碼光度好光,與真鈔十分相近,若沒有辨鈔經驗,辨別上確有少少困難。」咁樣講,姐係叫我依啲小市民唔洗分啦,仲要係紫外光燈照射下先見到。

不過諗真啲,平日我都唔會收到一千蚊紙嫁啦,(方向報市民心聲都講左啦)。咁唔怪得佢講金管局同警方舉辦的辨別偽鈔講座個時,都只係話邀請商戶參與,而唔預一般市民份啦。

反而唔明的是,做咩無啦啦加一句「澳門暫未檢獲類似的高清假金牛,警方亦沒有接獲內地通報表示檢獲新版港元偽鈔。」;而另一篇報導就無啦啦加一句「臨近農曆年,不少內地遊客來港辦年貨及購買金器」。到底講假銀紙同澳門、內地、內地遊客有咩關係?澳門都明少少,因為都有港人過大海賭錢,都會俾港幣。內地同內地遊客就真係唔明,依家人民幣咁高,好多店鋪都鼓勵內地遊客俾人民幣而不是港幣,就算係俾港幣,啲紙幣可以係香港兌,亦都可以係大陸兌;而又少聽啲人上大陸可以用港紙喎,咁沒有接獲內地通報都好正常呀。都唔知佢想講咩。嗰啲「假銀紙是大陸流出」的都市流言,咁都唔可以無證無據拎嚟寫報紙架係嘛?

【草根.行動.媒體】

新聞原文

廣告