其實，我無諗過叮噹都會死。嚴格嚟講，係我哋香港呢個叮噹走咗。對唔住，一直以來都唔知原來你叫林保全。
我，只係一個普通既80後……
普通樣，可以拍吓拖咁囉。
普通咁成長，小康咁囉。
普通咁讀書，唔叻囉。
普通咁打份工，手停口停囉。
普通咁。 上唔倒車囉。
有一樣唔普通。朋友都知我好鍾意扮聲，扮人、扮電訊盈科電話錄音、同埋扮叮噹。因為一扮叮噹(雖然好無聊) 整個氣氛就會充滿歡樂。
個波唔入？「真係好可惜呀，大雄！」
準備比對手反勝。「唉呀～今次斃啦，大雄。」
我連出差都會睇漫畫叮噹。
............有乜用
慢慢，香港要正音正字，叫你做多啦A夢。
維珍尼亞變忽吉尼亞。
登機證變登機牌。
伊波拉變埃博拉。
慢慢，變得人浮於事。
慢慢，...
原來，人生行到呢個年頭先知。我只係佢滷味大雄一個。唔怪得我由細到大最喜歡既卡通人物就係叮噹，因為獲獲睇親叮噹就係睇緊自己點獲救。
我只係一個普通既大雄。
多謝林保全先生，你給我一個愉快的童年、少年、青年......
再見了，叮噹。