（獨媒特約報導）走在今天的上海街，只見人流稀疏，盡是唐樓舊舖，很難想像在五、六十年代，彌敦道開發之前，這裡曾經是九龍最繁榮的商業區，各行各業都在這開舖擺賣。曾經在這裡成行成市的繡莊，亦伴隨著上海街的年華老去，由盛轉衰。
南興隆繡莊鋪址去年以2990萬元易手，平均每呎高達59000元。該舖在1972年時僅作價18萬元，有近九十年歷史的南興隆，即將在三月結業。南興隆繡莊東主馮國浩指，六、七十年代的上海街足足有三十三間繡莊；上海街現時只剩下七間繡莊，其中一間更是空有繡莊之名，只售賣床上用品。他更直言：「香港已經唔能夠再用手來搵食！」
東主馮國浩：我僥倖曾活在上一個年代
南興隆的故事要追溯到上世紀二十年代，開業初時時主要縫製和售賣蚊帳、棉被等家居用品以及廟宇的刺繡裝飾。在戰後香港經濟發展，才開拓了裙掛的租售業務。店鋪原本在港島開業，後來在二十年代後期到了九龍開分店，由馮國浩的堂伯父主理，而馮的父親當時亦從廣州來港幫忙打理業務。
堂伯父後來無心經營，「淨係識得去鴉片煙館，返黎就淨係識徜下櫃桶」。馮先生笑言：「嗰陣伙計成年都冇糧出，嗰個年代就得。呢個年代如果好似亞視咁，就梗係嘈到鬼啦！」但最後伙計們忍無可忍，包括馮的父親在內的老員工們一起入股繡莊，架空堂伯父的位置。「去玩少過人，做野又多過人」，馮的父親經過十七年的努力，最終全權擁有南興隆，正式成為老闆。「嗰陣如果你個人夠上進，同埋唔係花弗，你就有機會晉升老闆。」
馮國浩中學畢業後，亦到了鋪頭幫手，見證著六十至八十年代，香港繡莊最繁盛的時期。他認為，當時大陸未改策開放，絕大部份物資都依賴香港提供；加上很多內地人偷渡來港，有大量廉價勞工只求「有得住、有得食、有份洗用」，已經可以在香港落腳，同時租金低廉，是當時百業興旺的重要因素。現在情況大不如前，「就算我依家後生廿年，要我再經營呢個行業，賺一層樓番黎，就算有我依家咁高道行，都冇本事。」馮先生感嘆地說：「我僥倖在(生於)嗰個年代。」
圖：店內現時最貴的裙掛，需要半年手工才繡好
香港人嚴重忽視手工藝
馮國浩認為，香港人對手工藝的忽視亦是繡莊行業衰落的主要原因。「七、八十年代入黎既後生仔已經開始淨係識賣野，唔識做野。」他表示，經營繡莊需要有很高的縫紉技術，由裙掛、床蓆、蚊帳、窗簾到傢私都要懂得縫，新入行的只懂「皮毛」的技術，而且無心學習，導致後繼無人。
馮國浩亦指，繡莊主要的工作是把刺繡廠的製品縫製成裙掛，以往香港都有自己的刺繡廠，但現時已經全部搬到內地。他嘆道：「繡品依家冇人欣賞，送俾你都未必係屋企擺啦……唉，香港再唔能夠用手來搵食啦。揸針？一下一針搵得幾多。」他向記者展示了「鎮店裙掛」，指掛上的刺繡需要半年手工才可完成，「裙掛其實最平但同時手工最多，只不過俾人忽略咗。」
圖：用來做絲棉被的純蠶絲，馮國浩用人手把它摵開做被芯，全絲棉的被最便宜都要一千元一張
責任與傳承
馮國浩坦言最初都不想繼承南興隆，想當個公務員，貪它假期多，福利好。他指做老板始終都係時間長，假期少：「都唔知咩係放假，原本想要放假既日子，但突然忙起上黎，就會同自己講：『留係度幫手啦，睇住人地踢曬腳，你都行開咩？』」「原本諗住幫下先啦，點知一幫就一世」馮國浩說：「男既最怕入錯行，女既最怕嫁錯郎，一跟開就甩唔到身，因為有份責任感，承傳左一啲野，加上有左你自己既基地，自已既網絡。」
「好似李嘉誠咁，搵一百億又點，都洗唔到十億！」
南興隆的結業其實早在兩年前已經計劃好，馮表示，兩位老行家的去世令他反思人生的無常：「有個因為老婆過左身，所以索性係鋪頭訓，點知就係鋪頭去世……另一個行家臨走前一日放工，仲同我 SAY HELLO 話： 『又一日喇！』，點知第二朝就爆血管過身。或者佢地既心態係對住間鋪頭已經好滿足。」他坦言自己的體力其實還可以「撐多幾年」，但他認為就算「搵幾多遲下都唔係屬於你，仲勞氣黎做咩？……好似李嘉誠咁搵一百億又點，都洗唔到十億。」倒不如早點退下來享受人生。