記錄講完，飛機打完，三叔恥笑完。蘋果是美國之光。
有趣既係，正如匯控係Hong Kong Bank，亦係恒生指數成份股佔比重最大的股票。同樣地，芬蘭之光諾基亞（Nokia）亦長期係赫爾辛基交易所指數的最重磅股。
咁估下，美國之光蘋果，在道瓊斯指數，佔比係幾多？
答案係零。
當然係因為，蘋果根本唔係道指成份股。但即使蘋果入左道指，比重都應該只會係排第五，六。
咁道指一哥係邊間公司？正係undisputed的投資銀行之王， 高盛（Goldman Sachs）。
身光頸靚， 銀河艦隊，打通政經，甚至主宰全球（詳情可睇：Money and Power: How Goldman Sachs Came to Rule the World）的投行之王，你以為搵好多錢的高盛， 其實市值，只係蘋果的十份一左右！
所謂「投資銀行好搵到錢」呢個迷思，both yes and no。如果你講員工，就係。股東，就當然唔係。所以大家應去努力做投資銀行的員工，而唔係股東。因為好大程度上，投資銀行先係最不畏強權，唔聽老細（股東）話，最重視員工，對員工最好的公司。夠哂社會良心（不過，就係拎你啲錢黎對佢既員工好）。
咁點解高盛得蘋果十份一市值，仲做到道指一哥? 因為，道指唔係恒生指數，唔係計市值。而係計……股價。即係，185蚊一股的高盛，比重當然高過拆股後122蚊一股的蘋果。
好戇居好低智？係架。好多野都係咁。點解要咁? 因為以前冇電腦，咁易計啲咯。而家有哂電腦？就歷史遺留落黎的問題啦。事實係，專業投資者一早係睇標普500 （S&P 500）指數。 不過我同你都唔專業，咁解究。但至少睇完呢篇又學到野了。唔緊要啦，上一篇寫過，人人都係記者嘛。