立即捐款

社運

博乜?

博乜?
廣告

廣告

係咪無間道真係唔知,當中有鬼亦唔出奇,但從過去幾年,泛民被搞到一蹶不振,武鬥派又確實吸收其能量而持續壯大黎睇,呢種形勢發展有機會在學界重演。

就好似雨傘運動咁姐,係咁要拆大台果班人事後做過D乜咁轟烈既野出來?無人代表我啦,元旦又無事發生既?反水貨衝擊行動,食椒收場,其實靠激烈肢體衝突引起媒體注意向政府施壓呢招,所謂左膠都用左好多年,果時無網媒配合,被CCTVB抹黑至無乜人認同咁解。咁樣既衝擊力度要再加大,就講緊拎架生打警察,掟燃燒彈或者自焚啦。或者真係有人計劃咁做,但未做到之前,或自己出口唔出手,剩係慫恿D血氣方剛既細路去做,然後掠取其勇武既光環,再同佢切割任何關係,唔惹禍上身但繼續也文也武者,唔該先照下個鏡,或查下字典個羞字點寫。當然,搵食叧計啦。

如果所謂激進化或升級,只是武鬥派用來打擊傳統抗爭者既口實,咁黎緊呢種有破壞欠建設既魔幻寫實主義式抗爭自然陸續有來。抗共陣營只有繼續分裂、瓦解和重新洗牌,咁係咪一定是壞事?我估有D人會咁講:至少有變數,有得搏下嘛。可能係架,但搏到D乜最終會?儲備武鬥力量,等中國大亂,解體,乘時而起再分離出去?台灣都未做到,香港做到?咪玩啦!

廣告