立即捐款

社運

港大退聯的反思

港大退聯的反思
廣告

廣告

既然一個純 for friend 既post俾人cap 圖做文章,我就再係public status詳細講多一次。再次重申不代表學聯立場,只屬個人意見:

整個港大公投前至公投期間,我都避免表達自己意見,避免落人話柄借題發揮話影響院校內政。到最後投票接近完結,大局已定,未開始點票時,就決定吐出個人感受,表達對今次公投既強烈不滿。

關注組由一開始要求退聯,就劍指學聯秘書處獨大、共識制等,削弱院校自主,因此要求退聯。論架構,係常委多票過秘書處,論決策學聯從來不是投票,不是小數服從多數,而係要冇院校反對下既共識制,連最小數既意見都兼顧既決策機制,院校自主高於學聯行動。論選舉,批評學聯秘書處及中央係小圈子選舉,要求民選秘書處成員,又係同爭取院校自主矛盾,到時權歸學生,不是學生會,學生會的自主真係唔知放邊。學聯認真澄清解說,道理已很明白,標籤仍然依舊。秘書處參選人以前係常委都可以話係退聯原因,係咪做過學聯常委就唔可以參選?這又是什麼理由?港大學生會及其他任何一間院校,在學聯內外,都係獨立自主。

再者,現行機制有修章委員會可以修改會章,要質疑學聯架構,卻全無從制度內提出,立即要求公投,令人質疑退聯人係真係想改革學聯,定係單純借此搞退聯。以我所知,學聯在港大啟動公投後,即制作傳單解釋學聯架構,有常委落港大一同派傳單,卻被抹黑指學聯出動50人既老鬼干預公投自決,完全不予學聯解釋的機會。我見到學聯接受批評和建議,提出改革修章,但相反關注組就批評學聯等同叫人「袋住先」,同政府冇分別,完全無視學聯解決問題的誠意,完全係歪理連連。期時,網上既攻擊手段簡直係卑劣,用咁既方式去搞退聯完全係不能接受 (所指的 「垃x圾」 係搞campaign既人,唔係支持退聯既人),見到學聯人咁努力去做更加令我極為難過同憤怒。

我從來都冇話過支持退聯既人就係熱狗。而公投係公平合規既話,就絕對予以尊重同接受結果,學聯自然要重新檢視運作同方向,呢d野我冇身份唔岩講太多。有人話我侮辱港大學生,如果同學係有思考過而投票,自然就合理同值得尊重,不管係投支持定反對。否則,就如投票機器,咁樣絕對唔係一個合格既公民 (所謂 「尋腦」的意思)。

退聯,個人認為係傷害學界團結,雖然只能尊重,但希望日後港大能夠繼續堅持走學運的路,好好定義何謂「獨立自主」,別浪費所有支持同反對退聯人既期望。而中共一直都對學界虎視眈眈,要收復學界這一中共的失地,實在不能掉人輕心。因此,退聯結果一出,我直接擔心的就係學界的統戰工作會直接受惠。我不認為這擔心不合理,相反,有人卻批評「共產黨最開心」言論虛偽、雙重標準。任何爭取香港民主的工作,必然會受到中共阻撓打壓,我不理解爭取民主的人,為何不接受其他人從這一角度來思考問題和解決辦法,一來就套「左膠」的帽子,就話刻板。民主不是追求潮流,我只會當共產黨是民主敵人,想多一步中共下一步會點行,而且我從來沒有說過支持退聯的人就是鬼,就是中共打手,我只是在說出我的猜想「我係王耀瑩就開返十支八支紅酒興祝,唔駛出手就大豐收」、我的擔憂。

最後,題外話:批評的人指中國有冇民主,關香港乜事,因此不應考慮共產黨的因素。我不認為香港可以做到什麼事能直接令中國有民主,但不民主的中國就是令香港民主寸步難行的重要元兇,絕對關香港事。香港要做的,就是盡力做好自身的份內事,爭取香港民主民生,堅守及推動民主自由平等的核心價值。

廣告