立即捐款
ads

陳假

成日發夢環遊世界但係又未鼓起勇氣嘅人

Facebook Page
聚言莊 網誌

社運

鬧水貨客無用?

鬧水貨客無用?
廣告

廣告

攝:Manson Wong

依家沙田啲商場主要得返兩種,就係金鋪、藥房囉。自由行推高鋪租導致店鋪單一化已經夠衰(因為係果區唔做大陸人生意就俾唔起租),最擾民嘅就係幫襯藥房班水貨客,攪到啲商場迫滿人不突只仲要個個拖住架自由戰車周圍行周街 pad 貨,我真係唔知香港仲有幾多人想係沙田行街?最低死就係班友攪到香港立立亂都不過係為香港帶黎大概2% gdp,老老實實真係無咗都唔洗恨。

水貨客問題就係由一簽多行而引起禍根,一簽多行即係大陸可以批人一年內無限出入香港,結果攪到香港變咗無掩雞籠由得班水貨客入侵,最慘嘅就係依個條約又係不平等條約,大陸話放幾多人落黎都得,同香港根本係無得傾,最多都係海關認為條友有可疑先唔俾佢入境,依家大家睇下有幾多水貨客就知海關守關成效有幾大。

最近反水貨客行動升級,我見到有人質疑抗爭者鬧水貨客或者遊客係無用,鬧都應該對準政府鬧,但係我就唔係好認同依個質疑,要政府有效打擊水貨客都莫過於要政府改變/取消一簽多行政策,即係要689領導下嘅狗奴才政府同主子 say no 咁你話難唔難?仲要分分鐘令到有人唔可以隨時車班自由人黎香港支持佢啲撐政府活動,大家仲就唔記得「鳩嗚」點黎呀?咁你話政府會唔咁易俾你鬧到落閘一簽多行呢?不過鬧政府嘅野我又唔會阻人,又唔會嫌多嘅。

相反,依家打擊水貨客就黎得直接,除咗可以收一時之效,最緊要係可以係大陸傳媒做成聲音,要佢地知道落黎香港係會有人搵佢地麻煩,令佢地知難而退,相比起要鬧到政府諱返自己利益去改變或取消一簽多行,市民自發反水貨客會顯得更直接有效。

有人會話依種行動會誤傷「無辜」商鋪,當然依類行動唔係所謂完未地對準目標,而大家都應該會發覺依家太温和嘅行動真係唔知要攪幾多年先得,比較激嘅行動就好難做到完美,正如佔領都唔係無攪到小商鋪。仲有大家留意最近反水貨客行動地點都係會唔同,商鋪受影響都係一日半日,而且所到商場嘅店鋪唔係做水貨客生意嘅藥房就係大型連鎖店,佢地唔會好似小商鋪咁無幾個周未生意就分分鐘會執粒,可以話其他「無辜」商鋪影響係唔會至命。

廣告