球隊一生只想揾到一個識打龍門而又可靠嘅球員。佢望落去可能係傻頭傻腦，又可能係戴金絲眼鏡好鬼撩打；可能好鬼死肥，又好鬼矮，但係當佢埋到白界線面前，就會變身成為一個為咗救波而奮不顧身嘅好門將。不論高波低波定或牛ban遠射，佢都通通同你擋出。左飛右撲，高跌低擋，總之就死都唔俾對面入到一球波。
呢種球員，就好似生命入面一直你要尋找的他／她，只可惜只可遇而不可求；但若然遇到，請好好珍惜和把握，不要讓他溜走，因為一個識守龍嘅人，就好似一個肯陪入場睇波嘅女仔，真係好撚好撚好撚好撚難揾啊！
無好前鋒，無好中場，無好後衛唔緊要，但我唔可以無好龍門，因為曼聯話我知，一個好龍門，足以能夠救全家。這刻我才知道，原來最不可給取替嘅，唔係球隊入面最好波個個，而係那個默默為你化解危機嘅好龍門。