11:15
他們來到耶路撒冷、耶穌進入聖殿、趕出殿裡作買賣的人、推倒兌換銀錢之人的桌子、和賣鴿子之人的凳子．
11:16
也不許人拿著器具從殿裡經過。
11:17
便教訓他們說：「經上不是記著說：『我的殿必稱為萬國禱告的殿麼？你們倒使他成為賊窩了。』 」 《馬可福音》11章15－17節
大祭師:「那個叫耶穌既加利利鄉下佬心靈沒平安、佢個腦完全唔識得分析。有陣時唔一定要出聲既，無聲勝有聲。基督徒應該應學習基督咁被宰殺都默默無聲。」
耶路撤冷一個名中立的市民:「可以既話我都想聖殿係一個為萬國禱告既地方，而唔係一個做買賣既地方。不過，那個耶穌咁暴力推倒人地既野就係唔啱。如果佢有其他和平點既方法爭取，我一定支持佢。」
耶路撤冷一個名藍絲的市民:「我梗係反對啦。反對咩?我唔知啊。你知啦，世事既野有人支持就要有人反對既。」
耶路撤冷一個名主流的市民:「阻人衣食猶人殺人父母。我做零售業的，最緊要唔好影響到我。唉，總之咪攪咁多野阻住我返工。標準工時? 24小時每日? 無所謂啦，而家都差唔多。」
經濟學者:「潔淨聖殿我亂計都計到每日會令耶路撤冷至少損失3500億。點計? Who cares? 潔淨聖殿仲可能會引發股災，樓價下跌。我仲諗緊要唔要加埋會令伊波拉蔓延得更快。」
權威人士:「潔淨聖殿發生後零售數據疲弱，交投淡靜，聖殿仲直頭無生意做。耶穌既行為令旅客降低耶路撤冷係旅客心目中既地位。本月起，自由行人數激減，影響估計會陸續浮現。耶路撤冷既國際形象正逐漸股到威脅。」
耶路撤冷聖殿附近居民:「之前聖殿仲有人做生意時，日日都有好多牲畜鴿子經過，我地成日都會被牲畜撞到，總之好影響我地附近居民生活。聖殿既物品仲要炒到貴晒。唉，投訴都無人理。殿明明係萬國禱告既殿，我都係想正常禱告姐。而家，多得耶穌還我正常生活啦。」
耶路撤冷行會成員:「由於耶穌不許人拿著器具從殿裡經過，而另外兩條路既人流量已經飽和，我地剛剛通過興建第三條跑步徑，簡稱『三跑』，特色係准許大白象通過。雖然實際問題完全無可能解決，不過造價只不過低至1415億。雖然每人都要出好多錢，不過信我，有你地著數。」
兵丁長官:「我地既兵丁唔會拉耶穌去暗角戲弄。紫袍？荊棘？點會呢?所有野都係最低武力。我出名盡心盡力，耶路撤冷行政長官近日仲話感謝我。大家相信我，所有事情都已經係正常程序之中。其實都係過左一百六十日左右，大家俾多少少耐性。」
耶路撤冷行政長官:「我地將會成立『拜拜耶穌委員會』。並唔係惡攪，因為佢好似想成為猶太人既王。一個連枕頭既地方都無既人可以做出咁多野，絕對有理由相信佢有外國勢力支援。有可靠消費指耶穌叫人跟從佢，仲話咩先求佢既國。除掉這種令本土意識抬頭，隨時獨立建國既恐怖份子係重中之重。凱撒萬歲!」
耶穌在死後三天復活。激到復活。