政經

深圳分校問題之一 ——臨時宿舍鵲巢鳩佔

廣告
深圳分校問題之一 ——臨時宿舍鵲巢鳩佔

廣告

作者按:為左傳神少少同打快少少,呢十集深圳分校問題都會用口語講

話說呢個系列既出現,係因為中大校方屢次漠視學生代表既反對,一而再再而三咁喺教務會強推深圳分校既議案,特登寫返呢十集出黎。本來啲資料,已經喺舊年搵晒出黎,本身想舊年9月就慢慢揭出黎,但咁岩撞正罷課同佔領,所以啲資料就收左櫃桶底冇拎出黎。但今次,我會分開十集講晒呢啲資料,希望各方好友能夠關心深圳分校議題,拯救我地中大既校譽,唔好畀啲「有心人」用中大既名稱喺大陸拎著數,敗壞中大名聲。我十集劇情已經編好晒,睇下中大校方會點回應。

第一集想提既,就係而家深圳分校既臨時宿舍。其實呢,而家同學係未有一個正式宿舍入住,中大深圳分校只係暫借左深圳信息職業技術學院個宿舍作臨時宿舍,即係原2011年世界大學生運動會的運動員村既宿舍。2011年大運會完左之後,宿舍就歸信息學院管理。但係到左2013年6月,深圳信息職業技術學院方面突然間要收回成個宿舍,要學院同學搬去另一幢較舊既地方繼續住宿。當時學院方面傳出黎既資訊,正正就係話中大想借個宿舍用作臨時宿舍用途。

當時大部分學院同學都反對搬宿既決定,要求學院院方收回有關決定。但學院一方態度強硬,只係表示同學有意見向班領導反映,就唔好搞咩簽名、抗議、遊行之類活動啦。最後,同學都係自發搞左啲行動,包括杯葛校內同學生會(因為支持搬遷)既活動,鎖房入而既櫃同每晚7點都搞集會。可惜既係,領導意志壓落去令同學既抗爭失敗左,而不少同學對於學院同埋中大既態度深感不滿。中大作為一間話自己係人文精神既大學,竟然容許呢類事情出現,試問中大校方如果真係了解呢班同學既話,究竟心裡過唔過得去?仲話自己要為中國教育做更大貢獻,貢獻之前就犧牲左一班同學福祉,直頭損害埋廣大中國人民既感情添啦。

呢件事,只係冰山一角,仲有幾多既壞事,係有人利用中大個名去做,敗壞中大個校譽呢?當然應該仲有好多,校方某些現任同離任高層心裡有數啦。黎緊9日,我就會繼續寫文講深圳分校既各種問題。

延伸資料:

http://www.weibo.com/u/3552122124?sudaref=l.facebook.com&sudaref=www.fac...

http://finance.qq.com/a/20140521/007923.htm?tu_biz=web_cfr_2

廣告