如果唔係因為早兩日落大雨，添馬紅酒佳餚節慘變泥地紅酒節，你會知道同場還有香港數碼生活嘉年華嗎？其實不知到也不足為奇，筆者從來沒想過在深水埗區以外，有其他露天的場所係適合搞有關科技產品的展覽，畢竟大部份科技產品，一旦落雨，參展商應該會損失慘重。
由80年代末起，黃金商場或者一年一度的電腦展，其實都是香港人接觸新科技的重要展覽，無論由綠芒(單色)到CGA(16色)到VGA(256色)，或者printer由針print到Ink Jet到Laser，由5吋磁碟到Zip Drive到手指⋯⋯全部都由黃金廣場見證科技如何民用化。
但近年黃金廣場也開始失色，這相信因為「切機」再不是主流有關。「切機」早已不比「廠機」便宜，大公司大量生產，自然能降低城本，加上現在的主流是手提電機及平版電腦，這是一般用戶無法切出來的，自此連電腦展也慢慢變成散貨場，賣殻賣線，大廠牌賣NoteBook，同埋多到分唔到三國定封神的手遊，就變成今天的電腦展。
我們今天已經沒有新科技嗎？3D Printing技術其實已經開始成熟為民用，航拍＋GoPro的價錢其實也開始大眾化，一些監察身體狀態的用品亦能配合智能電話的產品幾十蚊都有，這些新產品為何在電腦展甚少出現。電腦展淪落到要飲紅酒食雞串先有得做，我真係覺得十分難過。
P.S. 此展覽由香港軟件行業協會(HKSiA)主辦，真係入咗行十年都未聽過。同場加映唔知搞唔搞得成的「萬人齊寫Program」，又真係入咗行十年都見過，真係寫個Windows10都未使要咁多人，真心想知佢寫咗啲乜野出黎都突破。