短打：
呢篇新聞一開首就用上「針對…違法行為」、「…打擊對象」、「協助下執法…」，其實講來講去，而家係邊個犯左法呢？蘋果直接引用了屋宇署、警 方的講法，寫到政府新聞稿咁，強調執法行動的合理性，好似好正義咁。然而報導 劏房居民一邊，除了一句「聲淚俱下，認為不公平」，便什麼也沒說。然而，受影響荃灣劏房街坊表示， 街坊們要求恩恤安置已幾個月，未有回音；而政府之前曾承諾暫時不進行清拆，但今日突然派出防暴警察前往驅趕劏房戶離開，但報導為何隻字不 提？有無向屋宇署求證過?
不過，話時話，其實點解「聲淚俱下，認為不公平」的是工廈劏房既居民？劏房違法唔係捉業主架咩？香港 有咩法例係唔俾人租乜野地方？咁既然唔係租客犯法點解又會好似要懲罰租客咁既？
今次行動既然是屋宇署，點解捉劏房唔係好似捉潛建咁，揾位業主出來受罰既呢？睇報導可能以為係劏房戶犯左法，但其實，點解唔係有租收果個行騙或收受不法利益而係劏房戶交左租卻俾人違約冇賠約及被趕走？
幾個主流大報的網上新聞都冇講清楚，就只係知未來仲有200幾個工廠單位要處理，究竟政府又同左劏房戶處理安置問題未？乜都未安排，就趁返工返學時間去拆人屋企？
個人物品初初話要周一才能拎，睇社交媒體報導話今日被居民包圍後屋宇署才有一點點軟化話聽朝拎過，大佬又有長期病患又有嬰兒用品，唔俾人拎點得架，有成堆居民都起度俾佢趕左出街，點解又唔見有居民訪問？啲咁的事，唔係直抄政府新聞稿到咁的地步呀？！