（排名不分先後）
1：足球快報
呢個簡直係無恥到極，成日將人地外國片或者本地片，但凡係片，佢都會以upload上Facebook既形式分享，總所周知，呢種行為令到YouTuber少好多點擊率，直接打擊創作人心血，簡單d講原創者少左點擊率就等同少左收入，而足球快報成日用呢種方式去share野既表表者，而且足球快報d改圖經常都係睇完Troll Football，再翻譯成中文，等d人以為佢好有創意，其實係偷人地野去提供佢個page既點擊率，藉此可以引到人落下廣告（雖然唔多，但唔系冇）。
2：環球膠報
其實唔知佢一個，偷片偷圖偷文不再話下，呢仲賊仔最叻係唔直接share原作者個page，而係照字搬字，照圖搬圖，照搵搬文，好多時候原作者既名都唔會打出黎，呢類page最鐘意喺其他page發掘最新鮮新聞，再轉落自己page呃like，根本不費功夫去抹殺其他創作者努力，唔只佢一個係咁，有幾個名字唔太詳盡既page都係蛇鼠一窩。
3：作詞人梁柏堅個人Page
其實我冇聽過佢d詞，有人話佢15分鐘可以作一首歌詞，但偏偏呢個創作者自己都鐘意偷人地圖發佈喺佢個page度，為求呃到like已經唔係第一次，網絡作家一日之計在於晨有一次甚至喺Facebook 怒插梁柏堅，唯後者根本當睇唔到，潛水一排後再次喺Facebook活躍，呢種成日以為香港人健忘唔記得佢做過偷圖呢種行為既賊仔，次次都用呢種方式去苟存喺Facebook上，總之有人怒插佢就潛水，之後扮冇野出返黎。
4： 100毛 Page
偷圖偷到成個網絡界都圍剿佢，而佢地都係死不悔改唔會道歉，總之佢地堅信佢地有fans有noise就得，什麼偷圖偷片偷文，佢只負責偷，唔會道歉，之後扮乜事都冇發生過，而呢本雜誌個老細就係作詞人林日曦。
5：高登起底組
同環球膠報屬於同類型賊仔，擅長偷片偷圖偷文，最無恥係佢以高登為名義去做賊，標榜自己係起底組，其實同高登係毫無關聯，疑似係MK仔借高登上位，其實根本唔會有專門一隊起底組去起人底，如果自己唔擺任何野上網，人地起到你底既機會只係零，而呢類起底只不過係上網search下你過往post上網的資料而已，唔係check到你IP喺咩位置。
6：足球群英傳
賊仔黎講呢個算高章，經常性上完外國足球網站，就將人地英文翻譯成中文，然後就出文，甚至低莊到上大陸論壇將人地既足球文改返左粵語就當自己文，行家都會知道足球群英傳背後係一個偷文賊，係外行人先會覺得佢寫文寫得好詳盡，其實去只係一個翻譯員+偷文賊，一個連標題都懶得理既作者，你覺得佢會用心寫篇原創文？如今佢已經受夠了人地話佢偷文，佢先漸漸加上文章來源，但好多人依然蒙在鼓裡唔知佢係偷文賊。
其實d賊做咁多野，無法喺博人氣同博人會搵佢落廣告，一係為名，一係為利，咁先造就咁多罔顧知識產權既網絡賊仔。希望各位簡單呢類page一定要鬧爆佢同unlike佢，網絡世界唔應該存在呢類網絡賊仔！！！