體育

你希望多人睇香港足球定少人入場睇?

廣告
你希望多人睇香港足球定少人入場睇?

廣告

一張海報,令本來WFC嘅香港足球突然熱鬧起來,預料會於WFC氣氛下舉行嘅首兩場賽事都因個張有諷刺性嘅海報而導致爆棚,我都買唔到飛了。

香港足球向來係地底泥,因為普遍香港人都係功利主義者,冇成就就係不值支持嘅垃圾,今日香港足球成為群體間拎黎恥笑、嘲諷嘅對像,受唔到基本尊重。

能夠有如此火爆場面出現,都真係好罕見,個張有諷刺性嘅海報係間接宣傳嘅好幫手之外,中港矛盾、仇恨、政治因素都係因素之一。

雖然於體育精神上黎講,政治因素及民族仇恨係會扭曲球賽意義,我地理應將一系列事情暫時拋諸腦後,將公平競技放上第一位。

但所謂人比鬼可怕,人係全球最可怕之生物,總愛講一套做一套,體育歸體育與中國足協宣傳海報中嘅幾句「不輕視任何對手」其實都係相同意思,只係一個口號,比如香港政府利用主流大氣電波不停向港豬民們宣傳「有票,真係唔要?」,但專門擦政府及共產黨鞋嘅保皇黨員卻於最後試範「有票,我真係唔要吹咩。」。那麼,「有票,真係唔要?」就的的確確只係一個口號了。

但世事就係咁奇妙,呢幾句卻令旺角場立即爆滿,什麼體育歸體育,被終極WFC了。

另一問題,有球迷可能對一少量新客球迷感不滿,因為球迷認為呢批生客只為一啲政治因素而入場襯。

或者當中有唔少新客帶住處子之身入場,或者當中有唔少新客可能只為一啲政治因素而入場襯,但港隊係屬於香港人,我地呢班睇開嘅並唔會有特別資格及優待,大家都係平起平坐,所以唔理係邊個,唔理係乜原因而黎,只要有飛就可以入場,當然最好唔好擋港隊係避孕套,最好唔好諗住射完精撚手將個套掟落街鳩就。

你希望多人睇定少人入場睇?

雖然新客主要因中港關係及有關政治因素而入場,但呢個的確係港隊吸客好時機,只要100位新客入面有10個會回頭,已算成功,都係果句,要來便來,唔來,目標完成就會閃人。

當抽到同中國一組,就認定會引起唔少風波,起初由中國球迷設計嘅體育歸體育海報,雖然係表明政治不應擺上賽事內,但強調「呢度係香港,中國香港」一句,張海報已經染滿政治味道。

政治化係事實,現時最怕係過咗火被FIFA處罰,但FIFA應該先處罰自己,因為FIFA內部本是充滿國與國之政治鬥爭,睇見政治化嘅FIFA處罰因足球過度政治化而被Ban嘅印尼,真係諷剌到極。

廣告