如果建制派議員聽曾主席話，以為貼個芒貼係部手機到，就以為周圍的相機影唔到手機做乜，咁就實在太天真啦。
防花芒貼
首先，芒貼的主要功用係防刮花，一般有D牌子的芒貼都會注明硬度(0H - 9H)，其實道理就同文具鋪買鉛筆一樣，0H最軟至9H最硬。係街通常見到4H - 9H，但其實而家的手機芒多數係強化玻璃，硬度本身已經有8H，所以貼多個芒貼基本上無乜用。
光面定啞面？
到底光面好定啞面好？其實光面反光較強，對得電話多對眼其實非常辛苦，而且光面比較容易留下指紋。所以識揀一定揀啞面，一來手感好，二來無咁反光，唔會咁辛苦。不過啞面透光到較底，所以需要較光啲個芒，即係會嘥電啲。
防藍光貼有無用？
其實筆者無試過亦唔識測試，不過一般技術文都話防藍光貼無乜作用，較暗啲個芒對保護眼睛更加有較。
重中之重：防偷窺貼及螢幕濾鏡
筆者想提出一個問題，點解貼咗防偷窺貼，人地會睇唔到個芒，但自己又睇到呢？原來係因為防偷窺貼的原理是大量減少正面以外的光線散射，所以由旁邊睇就變得非常之暗，從而達到所謂防偷窺的較果，所以防偷窺貼基本上係非常有效的。
不過如果你係立法會議員，就唔好太依靠防偷窺貼啦⋯⋯
首先，記者有四方八面影過黎，張部電話Fing兩Fing，總會有正面的一刻，要影到screen並非不可能。
第二，頭先都講咗，防偷窺貼係減少正面以的光線散射。睇清楚，係「減少」，即係話我只要對住部電話影張相，再拎去PS推爆光，咁內容就自然出現啦。
所以入到議事堂，如果唔想俾人知自己部電腦電話做梗乜，最好好似撳提款機咁用手擋住，或者加個罩俾部電腦啦！