阿東任職的地產公司近來接到不少豪宅放盤的生意，但市道差，最終仍是「無人問津」。
文：哲廬
澳門產業單一，薪高糧準福利厚的工作，除了政府工外，往往就只能選擇進賭場。然而，賭收已經十三連跌，外界不斷盛傳貴賓廳掀起執笠潮，賭場打工仔人人自危，但亦有人及早「跳船」，不想「打死一世賭場工」。在博彩低潮期前，便跳出這個紙醉金迷的大染缸，二十出頭的阿東(化名)說︰「如果就咁白讀四年大學，我覺得好無謂，寧願嘗試出嚟闖吓。」
離開博彩業 因工作環境差
阿東在大學時期兼職過賭場中場活動籌辦員，畢業後又到人工較高的貴賓廳「訂票部」工作，但由於欠缺制度，令人無所適從，壓力山大。而且貴賓廳到處都是吞雲吐霧，「有時連老細都坐埋係你隔離食。」阿東自覺賭場不適合自己，「既然係為咗賺錢，點解我要咁辛苦讀四年大學，出嚟都仲係做賭場？」最終阿東萌生去意，工作了數個月後就離開賭業，轉投地產界。
賭業低迷 衝擊地產行業
離開博彩業後，他在某港資地產公司擔任文員，人工自然比不上貴賓廳，只有約1.2萬元，但勝在有較好的工作環境，亦有機會用到大學所學的知識，令他對這份工作感到滿意。
自從賭權開放以來，本澳樓價及地產交投量節節上升，但近年經濟開始下滑，雖未有重挫樓價，但對地產業界造成不少衝擊。阿東指，由於交投轉淡，地產公司的收入有所影響，公司為了開源節流，都向新入行的從業員開刀。另一方面，他所任職的地產公司，主要客戶群都是由內地來澳豪賭的賭客，內地持續打貪，豪客減少來澳，亦令豪宅交投趨淡。
曾經有賭業中人指，澳門貴賓廳「死因」之一是由於過度放貸情況嚴重，阿東認同這個講法，指行內不少叠碼仔為了提高營業額，不斷借錢予賭客耍樂，而廳主亦會借錢予叠碼仔，但賭客輸清光回到內地後，要追數就十分困難，「曾經有叠碼仔上到大陸追數，反而比賭仔打一獲。」不少叠碼仔由於沒法追回貸款，被迫賣樓還債，他所任職的地產亦曾接過類似「生意」，為賭場中人放售豪宅，但由於整個市道差，最終還是無人問津。
近年經濟下滑，雖未有重挫樓價，仍對地產業界帶來不少衝擊。
以錢為先 澳門人價值觀的改變
澳門經濟高速發展，令整個社會都帶來轉變。阿東認為，澳門人的價值觀已變成以錢為先，有錢亂揮霍。他身邊很多在賭廳工作的朋友，每月一出糧就去買、去蒲、去飲酒，每日如是度過。「如果佢哋無咗賭廳呢份工，就等於乜都無，生活會好辛苦，好可悲。」
但阿東則賺錢還讀書債，以及儲錢進修，並計劃時機一到就嘗試創業，一展所長，「其實而家打咩工都幾難儲錢，不如搵機會搏一搏，睇下可唔可以殺出一條路。即使未必賺到好多錢，但夠維生，自己又做得開心，其實就好唔錯。」
澳門經濟進入新常態，曾經積極參與博彩工運的阿東坦言，對前景感到憂慮，由於澳門經濟靠內地大豪客撐起，而內地客亦視澳門為清洗黑錢的天堂，對澳門的聲譽帶來巨大打擊，「好多大型金融機構都唔會係澳門設立分公司，因為黑錢流動大，對佢哋嚟講係一個風險，打貪令內地人少咗落嚟洗黑錢，其實對澳門重建聲譽係好事。」
阿東希望賭場員工的心態要改變，不可再奢望內地「放水」來澳門，一定要靠自己，「以前可以搵到咁多錢，係因為我哋好彩，有咁多旅客嚟澳門賭錢。」但現時經濟轉差，博企收入減少。「如果公司做咗唔合理嘅嘢，好應該去發聲，唔可以任由公司用不合理嘅制度去削減人手，或者剝削員工。如果大家嘅心態有改變，澳門仲有希望，但如果唔變，就希望都會變絕望。」
（獨立媒體網根據與論盡媒體之內容交換協議轉載此文，原文載於論盡媒體。）