立即捐款

周詠禧

夢想是改變世界,令世界美好一點的人,現時努力改變世界的方法是社會工作及文字。 網誌

政經

啟晴邨鉛水事件,事不關己的態度

啟晴邨鉛水事件,事不關己的態度
廣告

廣告

除非真係幪著眼睛...作為香港人怎能沒感覺呢?點會唔關你同我事呢?

今天,証實了啟程邨數十名市民體內含鉛量超標。當中有小朋友,有正在餵哺母乳的媽媽。鉛的影響不用多說,神經系統及腎功能受損已經嚇死人。

如果你住啟晴邨,一定嚇餐死,要日日飲蒸餾水,睇新聞嬲餐死,點頂?

如果你住公共屋邨,都應該要識驚,因為好多建築工作流程、用料、承建商都係來來去去o個幾間。

有時你在公共屋邨探親戚、商場食飯、在公共屋邨工作,都同鉛水有關,應該要擔心嗎?再來是居屋、私人屋苑,會唔關事嗎?東江水本身有沒有問題呢?

我未知道,但有問題出現,便應該面對吧。

我對那些政府官員的回應感到震驚。甚麼拉長一生不算很嚴重,甚麼不代表境外組件有問題。你們應該是受過教育的人,有智慧的人呀!都癡癡地,如果承建商出事了,政府第一時間梗係追究責任啦。會為承建商辯護的政府,我真係第一次見!

我只諗到一個原因:錢

成本太貴了。千禧年前後,香港新落成居屋很多短樁事件,天水圍、葵涌、沙田都有,ICAC拉左好多人。當年政府用左數以億計去加固,甚至將新落成樓宇拆樓重建。

如果鉛水的解決方法是像十多年前一樣拆樓重建,加上現時將會需要處理安置問題,成本可謂天價。所以政府正在摸索影響範圍,收窄受影響人士的定義,然後進行低度介入,例如安裝濾水器釋疑等事件淡化等等。

現代社會消息這樣流通,民智又開,又有眾多政黨傳媒監察,這議題豈會容易淡化?

我最嬲係上網睇一d討論區的評論,香港人關注緊咩呀?「如果真係要拆樓重建,政府樓宇供應減少,即係樓價會升啦,睇下有冇機會入市」「事不關己」是自欺欺人,但「事不關己」的態度真係會死人。

廣告