生活

減肥,唔止卡路里咁簡單

廣告
減肥,唔止卡路里咁簡單

廣告

文:蔷凡

係呢個瘦就係靚既年代,減肥唔單止係女人的終身事業,簡直係人生目標,同男人買樓一樣咁重要。共通點係,大家都要達成目的先有得結婚。係,係好表面好悲哀,邊個叫我地唔係出生係楊貴肥的年代,無得怨。(為健康著想,追求健康指標係好的!)

修讀左三年營養學,亦去過營養中心實習,對減肥雖稱唔上達人,但總算幫到有需要的人,食住咁瘦。

記得係營養中心實習時,要將億萬個客人的資料輸入電腦,當中包括一份營養知識問卷。其中一條問到「你知道每天進食的脂肪量應佔或少於全日總熱量的百分之幾?」答案都很創新,不少人填了「100%」(正確為30%),哦,難怪你要幫襯我地啦。

減肥好老土,控制飲食加運動,係人都知,不過未必個個都知點先至係有效地減。 我經常懷疑,隨街捉個女仔,佢對每款食物卡路里會清楚過我,因為每餐都要計住食,先KEEP得好個BODY。當然咁都係一件好事,但除左卡路里,大多數人減肥都忽略左一個令我地事半功倍的關鍵—升糖指數(Glycemic Index: GI)。

根據香港糖尿聯會的定義,GI 是用以量度含碳水化合物的食物(如:粥、粉、麵、飯、包、薯仔等等)在進食後對血糖影響程度的數值,亦即食物對血糖的影響。簡單黎講,食物中碳水化合物係身體內被分解後,會成為葡萄糖進入血液,將血糖升高,促使胰島素大量分泌。胰島素其中一個偉大功能就係幫我地平衡番個血糖,儲存能量,以致你下餐無得食都唔會即刻死。亦因為咁,當每餐相隔太耐或者進食後令血糖升幅愈高,都會較易儲存能量成為脂肪。換句話說,只要將血糖保持係一個較穩定的水平,身體就無咁易儲脂肪。要穩定血糖,就關GI事!

所謂低GI的食物,即是當中的碳水化合物係身體內轉化成葡萄糖的速度較慢,餐後血糖血幅自然較低,避免胰島素大量分泌,亦延長飽肚感,有助減肥。大量研究結果都傾向支持呢個觀點。

以下係各食物的GI值參考:

低GI: 糙米、粉絲、通粉、全維麥(All Bran)、燕麥糠、栗米、脫脂奶、橙、蘋果綠豆等等
中GI: 紅米飯、烏冬、比得包、蕃薯、香蕉、蜜瓜等等
高GI: 白飯、糯米飯、小麥麵條、白麵包、饅頭、可可米、南瓜、砂糖、西瓜、荔枝等等
(資料來源: 香港糖尿聯會)

所以,只要將白米飯改成糙米,食開白麵包改食全麥包,即使攝取的卡路里相約,但食物選擇唔同,減肥效果都會事半功倍!

原文刊在此

廣告