立即捐款

生活

蝦麵的故事

蝦麵的故事
廣告

廣告

一心想去「別天神」試試豬骨湯,點知:侍應為坐在我隔壁( bar 枱)的女士送上一碗味噌蝦湯拉麵,然後女士發現面前尚有一碗,一個正常又怎會一次過叫兩碗拉麵?於是那位女士便告知服務員,她只點了一碗,另一碗不是她的。

一位年青的服務員拿著那碗湯在counter 騰兩騰,成條bar 枱得我冇嘢食,於是她問我:「小姐你有冇叫蝦湯麵?」我話佢聽我點豚骨湯的,她目無表情擰轉面。然後,我見她將那碗多出來的蝦麵交給負責煮麵的師傅仔,那位哥哥向負責落單的大嬸查問,大嬸一臉茫然,看到那位哥哥有點黑面,又聽到他類似畀說話大嬸聽。

本著不要浪費食物的心態,於是我同大嬸講,既然煮咗,咁我要啦,更因為我超級肚餓,即係有得食都是好的。大嬸將蝦麵交給我,然後說時遲那時快說:「轉蝦麵要補返十蚊,總共一百一十五蚊。」 我並不介意多付十蚊,但我想更正她,我不是轉蝦麵,我是幫你啃了那碗煮錯了的蝦麵。

想到同樣情況如果發生在日本,我相信對方已不斷道謝,或者由上錯菜開始道歉,敬業樂業的人在香港愈來愈少,做日本料理尤其要注重服務, 服務學不到一家百分一,味道做到幾似日本也屬於失敗。那幾位員工沒有因為我這個行為有任何反應,他們就是既來之則安之,錯不在他們,自然不會感到有人在幫他們補鑊。

這個故事也教訓我們,想幫人補鑊時,先要知道對方想不想被補,這世界好人難做。By the way 那碗蝦麵幾好食。

南方舞廳 Facebook Page

廣告