立即捐款

前線科技人員議政小組

我們是一群關心時事的前線科技人員,希望聚集志同道合之人,以科技人員的技術和觸覺,為業界,為香港發聲。 歡迎所有從事科技行業的有心人加入我們。 網誌

生活

讀阿果「我們愛過陳百祥」後感

讀阿果「我們愛過陳百祥」後感
廣告

廣告

文:Peter @ 前線科技人員

阿叻代表咗香港最自大嘅一個年代--90年代,當時,香港人均GDP(PPP 計算)超越英國,歷史上首次有英國殖民地超越宗主國嘅例子,當年大家意氣風發,個個都係打工皇帝,依個背景,係佢嘅爛歌「我至叻」一炮而紅嘅因素。當年,大家都係阿叻,無人深究成功嘅宏觀因素,個個都覺得成功皆因自己嘅能力超然,縱使好多人當年其實都好似今日嘅阿叻咁,連饒戈平係邊個都矇查查,但係又會叻叻聲咁評論政治人物。

福兮,禍之所伏,當大家都信心爆棚,就會奶嘢,97 前夕,個個炒樓,唔夠錢嘅合股炒,幾伙人供一層樓,夠錢嘅就借上借,一個人供幾層樓,結果咪 97 後長達六年嘅大冧市囉,樓價跌咗六成幾七成,燒炭亦係嗰時「發明」嘅。

至於今日,呢個「叻」現象就喺中國重複緊,GDP(又係 PPP)超越美國,感覺良好,中國人民從此站起來了,與阿叻毫無自省嘅香港 90 年代「叻」文化不謀而合,所以好自然阿叻會奶共,因為中國有佢嘅知音人。

至於今世代嘅香港人,唔好忘記我哋福兮,禍之所伏嘅經驗,沉實應對,亦要有前瞻嘅眼光,睇得通香港今日嘅禍兮,正是福之所倚。

認叻,從來都冇好下場,所以我認架,我真係唔夠陳百祥叻囉。

廣告