立即捐款

社運

呢個年代,好似講咩都係錯

呢個年代,好似講咩都係錯
廣告

廣告

初一在「 旺角黑夜」上演的「 魚蛋之亂」,以警方的兩鳴槍聲,示威者投擲雜物作反抗,為猴年、為香港人開了不安,動盪的一年。事件激起社會對立的討論,很多人立即黃絲藍絲上身,紛紛據理力爭,又回到雨傘運動時的景況,社會再度陷入撕裂和兩極化。

我是一個九十後,好多人心目中連自己都未搞得掂,我心諗學咩人講政治的廢青,無錯,事件的因由,背後種種的政治問題、矛盾,我或許未有全面的了解,所以我更加唔 想 妄 下 判 斷。 因為呢個年代,好似講咩都係錯。一有立場,一定有好多人爭住黎抨擊你。見住好多人係社交網站表態,隨即又展開罵戰,其實我會問兩邊,你係現場見證成件事?真係知道件事的始末,背後的複雜的政治原因?你的立場係睇某某電視台某幾個shot所得出黎,定由某幾個主流媒體合成的觀點,你又咁岩順眼,又覺得有d道理,而得出既結論,點解可以好多野講到咁肯肯定,又堅持自己個個立場先係岩?網上的資訊變化得太快,有時是非對錯真係分唔到,眼見未為真,就算你係現場,你睇到既野都未必係全面,單憑幾個post,幾張相,就斷定人地的對錯,公平咩?

呢件事其實唔只發生係網絡,最可笑的係,拜年的時候,又會聽到d姨媽姑爹話:「d後生咁無聊無野做,帶哂架餐,一睇就知有預謀啦」、「肯定係d美國佬係背後搞事啦,個市跌佢地最開心啦」,其實理據何在呢?又係聽人講,定你問過d人真係收左錢,又或者你真係望住人收錢,然後就不負責任,將件事矛頭直指係廢青既錯,公平咩?又話「抵佢地死啦,又掟磚又掟劉局長,搞亂哂個香港」,香港人幾時變得咁涼薄,咁刻毒,本自同根生,唔知頭唔知路,胡亂評論胡亂抽插,公平咩?

先唔評論示威者的反抗同警方的處理手法是咪恰當,平心而論,自梁振英班子上台以黎,民怨沸騰,社會的紛爭一波未平一波又起,乜乜乜事件(下刪一千字),唔多講,對於異見聲音,以強硬的手法同態度面對,令政府的管治威信每況愈下,大失民心,雨傘運動膠著,魚蛋之亂又繼續膠著, 香港社會只是不停原地踏步,重蹈覆轍,因為政府未有擔任好緩和社會對立的氣氛的角色,而且又無一個灰色地帶比兩邊既人緩衝同交集,兩邊一味堅持己見,製造更多既對壘同紛爭。

望住咁既景況,作為一個土生土長的香港人,真係好痛心,無力感好重,前路點樣走,真係望唔透,唯有祈求天佑港人!

P.S. 純粹係廢青有感而發,不喜勿插,帶實個頭盔先。

廣告