立即捐款

社運

祝福因暴動被捕的人

祝福因暴動被捕的人
廣告

廣告

文:陳可樂 SCMHK 執行幹事

我驚訝於有人對暴動驚訝。根本大家心底一早知香港會暴動。在佔領第一日,日常已經唔存在。呢一年既平靜,只是表面一層薄紗,蓋著一串炮仗。

點樣制止暴動?點可以一團和氣,好聲好氣傾掂佢?要唔暴動,有方法既:只要佔中成功爭取,咁咪可以疏導民怨囉。不過呢個條件,已經唔存在喇。

從各大政黨既回應,已經知道佢地失去左一代青年人。急急割蓆,令人失望。而且一眼就睇出只為選票。大家都知代議政制係為選票,都唔該演得真誠D丫。我覺得佢地仍係錯判現在的票源,並沒有想像中保守。對比各大學學生會的聲明,就知青年既取向。如果仲想有影響力既民間團體,就唔可以容忍民主黨同公民黨,要對佢地既譴責予以譴責,否則就是辜負了被捕的人啦……

至於講到自己「唔鼓勵暴力,亦不譴責」果D,唔出聲咪得囉,做乜要打開口牌。你一講「唔鼓勵暴力」咪就係割蓆囉。

陰謀論唔好再講,咁對行動中參與既青年好唔公平,亦無濟於事。身邊有朋友捕風捉影,真令人失望。另外仲將本民前同毓民綑綁只係顯示你無知/群黨。對於年青人黎講,打警察,反擊幾乎是常識。係有煽動者,咁又點?是否去除左煽動者就唔會有暴力?大家都識講:沒有正義,就沒有和平。

對暴力重新論述十分急切。黃台仰話丟磚都唔算好暴力,因為暴力的污名仍是十分重。ok,佢可能都會屈服於呢種污名而唔敢公開講,但青年就會聽話唔做咩?正如性污名一樣,你講到性病有幾恐怖,佢地都係會群P架啦!但不論你喜歡與否,暴力一定會再出現,而且愈壓抑愈激烈。

呢一刻,被捕既人需要我地一切支援,包括輿論上既。成年人只怕六七暴動重現,但我們絕不要今次參與的市民成為當年的YE仔,或較近期的全國獨立黨成員,因為自發參與運動而被同伴唾棄。

本民前的黃台仰一段錄音,將會在歷史上留名。左翼也好,無黨無派的獨立人士也罷,絕不應因為「本土」兩字而因人廢言,也不應讓以前的芥蒂蒙住眼睛,以致看不清眼前真實而有血肉的一個個人。

祝福因為參與暴動而被捕的人。

SCMHK 2015–16 執委會 颸風
加入SCMHK
http://band.us/@scmhk

Sbscribe to our Newsletter: http://eepurl.com/bE6p8j

籌款專頁︰
https://infogr.am/scm_fund_raising_progress

廣告